ନିଲମ୍ବିତ ହେଲେ ମାତାଲ ପୋଲିସ ବାବୁ

ମୟୁରଭଂଜ: ମଦ ପିଇବା ପଡିଲା ମହଙ୍ଗା । ଶେଷରେ ନିଲମ୍ବିତ ହେଲେ ମାତାଲ ପୋଲିସ ବାବୁ । ମଦ ପିଇ ରାସ୍ତାରେ ଗଡୁଥିବା ପୋଲିସ ବାବୁଙ୍କୁ ଏସ୍‌ପି ନିଲମ୍ବିତ କରିଛନ୍ତି । ଏପରି ଘଟଣା ଘଟିିଛି ମୟୁରଭଂଜ ଜିଲ୍ଲା ବେତନଟୀ ଅଂଚଳରେ । ସୂଚନାଯୋଗ୍ୟ ଯେ, ମୟୁରଭଂଜ ଜିଲ୍ଲା ବେତନଟୀର ଥାନା ଏସ୍‌ଆଇ ସଚ୍ଚିଦାନନ୍ଦ କିଶାନ ବୁଧବାର ଥାନା ଛକ ନିକଟ ଏକ ଦୋକାନ ଆଗରେ ମଦ ପିଇ ମାତାଲ ଅବସ୍ଥାରେ ଗଡୁଥିଲେ । ଏନେଇ ଲୋକେ ପ୍ରତିବାଦ କରିବା ସହ ଏସ୍‌ଆଇଙ୍କ ଭିଡଓ ମଧ୍ୟ ଉତ୍ତୋଳନ କରି ଏସ୍‌ପିଙ୍କୁ ଖବର ଦେଇଥିଲେ । ପରେ ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାପରେ ଏସ୍‌ପି, ସଚ୍ଚିଦାନନ୍ଦ କିଷାନଙ୍କୁ ନିଲମ୍ବନ କରିଛନ୍ତି । ଏନେଇ ଏସ୍‌ପି ଟ୍ୱିଟ୍ କରି ସୂଚନା ଦେଇଛନ୍ତି ।