ନବରଙ୍ଗପୁର: ରାଜ୍ୟ ସରକାର ଖୁବ୍ ଶୀଘ୍ର ଅଙ୍ଗନବାଡ଼ି ଓ ଆଶା କର୍ମୀଙ୍କ ଦରମା ବୃଦ୍ଧି ପାଇଁ କାର୍ଯ୍ୟ କରୁଛନ୍ତି ବୋଲି ନବରଙ୍ଗପୁର ଜିଲ୍ଲାରେ ଆୟୋଜିତ ଏକ କାର୍ଯ୍ୟକ୍ରମରେ ୫ଟି ଅଧ୍ୟକ୍ଷ ଭିକେ ପାଣ୍ଡିଆନ୍ ସୂଚନା ଦେଇଛନ୍ତି।
ଜିଲ୍ଲାର ରାଇଘରଠାରେ ଆୟୋଜିତ ଆମ ଓଡ଼ିଶା ଆମ ନବୀନ କାର୍ଯ୍ୟକ୍ରମରେ ଯୋଗଦେଇ ପାଣ୍ଡିଆନ୍ ତୃଣମୂଳ ସ୍ତରରେ ଶ୍ରମିକଙ୍କ ଅବସ୍ଥା ସୁଧାରିବା ପାଇଁ ସରକାରଙ୍କ ପଦକ୍ଷେପ ସମ୍ପର୍କରେ କହିଛନ୍ତି। ଏହି କ୍ଷେତ୍ରରେ ଅଙ୍ଗନବାଡ଼ି ଓ ଆଶା କର୍ମୀଙ୍କ ଅବଦାନକୁ ଦୃଷ୍ଟିରେ ରଖି ସରକାର ଖୁବ୍ ଶୀଘ୍ର ସେମାନଙ୍କ ଦରମା ବୃଦ୍ଧି ଦିଗରେ କାର୍ଯ୍ୟ କରୁଛନ୍ତି। ଅଙ୍ଗନବାଡ଼ି କେନ୍ଦ୍ରରେ କାର୍ଯ୍ୟରତ ରୋଷେୟାମାନଙ୍କୁ ଅଧିକ ମାସିକ ପ୍ରୋତ୍ସାହନ ମଧ୍ୟ ମିଳିବ ବୋଲି ସେ ଏହି ଅବସରରେ କହିଛନ୍ତି।
ଏହାବ୍ୟତୀତ କମ୍ୟୁନିଟି ସେଣ୍ଟର କର୍ମଚାରୀ, ଜୀବିକା ମିଶନ ଅଧୀନରେ ଥିବା ମାଷ୍ଟର ବୁକ୍ କିପର (ଏମବିକେ) ଓ ଏଏନଏମଙ୍କ ଦରମା ବୃଦ୍ଧି ଉପରେ ସରକାର ବିଚାର କରୁଛନ୍ତି। ଏଥିସହ ମଧୁବାବୁ ପେନସନ ଯୋଜନାରେ ବୃଦ୍ଧାଙ୍କ ମାସିକ ପେନସନ ବୃଦ୍ଧି କରାଯିବ ବୋଲି ସେ କହିଛନ୍ତି। ଏହି ବୈଠକରେ ଜିଲ୍ଲାର ଉମରକୋଟ ବିଧାନସଭା ନିର୍ବାଚନ ମଣ୍ଡଳୀର ପ୍ରାୟ ୧୦ ହଜାର ଲୋକ ଯୋଗ ଦେଇଥିଲେ।
Comments are closed.