ଜଳବାୟୁ ପରିବର୍ତ୍ତନ ପାଇଁ ଓଡ଼ିଶା ଖର୍ଚ୍ଚ କରିବ ୨.୪୫ ଲକ୍ଷ କୋଟି

ଭୁବନେଶ୍ୱର: ଓଡ଼ିଶା ଜଳବାୟୁ କ୍ଷେତ୍ର ରୂପାନ୍ତରଣ ପାଇଁ ୨.୪୫ ଲକ୍ଷ କୋଟି ଟଙ୍କା ଖର୍ଚ୍ଚ କରିବ। ଆଗାମୀ ଦଶ ବର୍ଷ ଭିତରେ ଏହି ଟଙ୍କା ଖର୍ଚ୍ଚ କରିବାକ ଯୋଜନା ପ୍ରସ୍ତୁତ କରାଯାଇଛି ।

ଜଳବାୟୁ ପରିବର୍ତ୍ତନ ପାଇଁ ରାଜ୍ୟ ଆକ୍ସନ୍ ପ୍ଲାନ୍ (SAPCC-II) ରେ ଉଲ୍ଲେଖ କରାଯାଇଛି । ୨୦୨୧ରୁ ୨୦୩୦ ମସିହା ମଧ୍ୟରେ ଏହି ଟଙ୍କା ଜଳବାୟୁ ରୂପାନ୍ତରଣୁ ପାଇଁ ଖର୍ଚ୍ଚ କରାଯିବ ବୋଲି ଜଣାପଡ଼ିଛି ।

ଓଡ଼ିଶା ଜଳବାୟୁ ରୂପାନ୍ତରଣ ଯୋଜନାକୁ ଜାତୀୟ ଷ୍ଟିଅରିଂ ଦ୍ୱାରା ଅନୁମୋଦନ କରିବା ହିସାବରେ ଓଡ଼ିଶା ଦେଶର ପ୍ରଥମ ରାଜ୍ୟ । ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ (MoEFCC) ଅଧୀନରେ ଜଳବାୟୁ ପରିବର୍ତ୍ତନ କମିଟି (NSCCC) ଗଠିତ ହୋଇଛି ।

ଯୋଜନା ପରିଚାଳକଙ୍କ ସହ ସମନ୍ୱୟ ରଖି ଜଳବାୟୁ ପରିବର୍ତ୍ତନର ପ୍ରଭାବ ଏବଂ ଉଦ୍ଦେଶ୍ୟ ପ୍ରସ୍ତୁତ କରି ଆସନ୍ତା ୧୦ ବର୍ଷର ଯୋଜନାକୁ କାର୍ଯ୍ୟକାରୀ କରିବା ହେଉଛି ଦ୍ୱିତୀୟ ପର୍ଯ୍ୟାୟ କାର୍ଯ୍ୟକ୍ରମ ।

ଆସନ୍ତା ୧୦ ବର୍ଷ ମଧ୍ୟରେ ସହରାଞ୍ଚଳ ବିକାଶ, ଜଳ ଏବଂ ଜଙ୍ଗଲ ବିଭାଗ କ୍ଷେତ୍ରରେ ମାତ୍ରାଧିକ ବିନିଯୋଗ ଜଳବାୟୁ ଦିଗରେ ଆଶା କରାଯାଉଛି।

ଉଭୟ କ୍ଷେତ୍ର ଗୁଡିକରେ ଜଳବାୟୁ ପରିବର୍ତ୍ତନକୁ ମୁକାବିଲା କରିବା ପାଇଁ SAPCC-II ରେ ଉଭୟ ରୂପାନ୍ତରଣ ଏବଂ ହ୍ରାସ ପ୍ରସ୍ତାବିତ । ମୋଟ ବିନିଯୋଗ ମଧ୍ୟରୁ ୭୩ ପ୍ରତିଶତ ରୂପାନ୍ତରଣ ପାଇଁ, ୧୧ ପ୍ରତିଶତ ହ୍ରାସ ପାଇଁ ଏବଂ ୧୧ ପ୍ରତିଶତ ଉଭୟ ପାଇଁ ବିନିଯୋଗ ହେବ।

ରୂପାନ୍ତରଣ ରଣନୀତିର ଅତିକମରେ ୫୨ ପ୍ରତିଶତ ମୋଟ ବିନିଯୋଗର ୭୩ ପ୍ରତିଶତ ଆବଶ୍ୟକ କରନ୍ତି ।

ଜଳ ସମ୍ପଦ କ୍ଷେତ୍ର ପାଇଁ ଏକ ପୁଞ୍ଜି ବିନିଯୋଗର ବିଷୟରେ ଉଲ୍ଲେଖ କରାଯାଇଛି। ରାଜ୍ୟ ସରକାର ୧.୦୨ ଲକ୍ଷ କୋଟି ଟଙ୍କାର ପୁଞ୍ଜି ବିନିଯୋଗ ଯୋାଜନା କରୁଛନ୍ତି ।

ଯାହା ଜଳ ସମ୍ପଦ ସଂରକ୍ଷଣ ବ୍ୟତୀତ ବନ୍ୟା ପରିଚାଳନା ଏବଂ ଡ୍ରେନେଜ ବ୍ୟବସ୍ଥାରେ ଉନ୍ନତି ଆଣିବା ଏବଂ ଜଳସେଚନରେ ଜଳ ବ୍ୟବହାର ଦକ୍ଷତା ବୃଦ୍ଧିରେ ସହାୟକ ହେବ ବୋଲି ସରକାରଙ୍କ ପକ୍ଷରୁ କୁହାଯାଇଛି ।

ପ୍ରମୁଖ ଏବଂ ମଧ୍ୟମ ଜଳଭଣ୍ଡାର ପ୍ରକଳ୍ପର କାର୍ଯ୍ୟ ତ୍ୱରାନ୍ୱିତ କରିବା, ଚେକ୍ ଡ୍ୟାମ୍ ନିର୍ମାଣ, ଛୋଟ ଜଳସେଚନ ଟାଙ୍କିର ଡି-ସିଲିଂ, ବର୍ଷା ଜଳ ଅମଳ ଏବଂ ଭୂତଳ ଜଳ ରିଚାର୍ଜ ସହିତ ଜଳ ସମ୍ପଦର ସଂରକ୍ଷଣ ପାଇଁ ୫୯,୨୨୩ କୋଟି ଟଙ୍କା ଖର୍ଚ୍ଚ ହେବ ।

କାର୍ଯ୍ୟାନ୍ୱୟନ ଯୋଜନାରେ ସହରାଞ୍ଚଳ ବିକାଶ କ୍ଷେତ୍ର ଉପରେ ମଧ୍ୟ ଗୁରୁତ୍ୱ ଦିଆଯାଇଛି । ଯେଉଁଠାରେ କାର୍ଯ୍ୟ ଯୋଜନା ନିୟମାବଳୀ ନିର୍ମାଣ ନିୟମ ଏବଂ ସମ୍ବେଦନଶୀଳ ଜମିକୁ ମାଷ୍ଟର ପ୍ଲାନ ଯାେଗେ ବ୍ୟବହାର।

ଜଳବାୟୁ ପରିବର୍ତ୍ତନ ହ୍ରାସ ରଣନୀତିର ଏକ ଅଂଶ ଭାବରେ ସହରାଞ୍ଚଳ ଜଳ ଭଣ୍ଡାର ଗୁଡ଼ିକର ପୁନରୁଦ୍ଧାର, ସମନ୍ୱିତ ସ୍ୱେରେଜ୍ ପ୍ରକଳ୍ପ ଏବଂ ଗ୍ରୀନ କରିଡର ସୃଷ୍ଟି ୧୦ ବର୍ଷ ମଧ୍ୟରେ ୧.୦୪ ଲକ୍ଷ କୋଟି ଟଙ୍କାରୁ ଅଧିକ ବିନିଯୋଗ ଆବଶ୍ୟକ ।

ବନ ବିଭାଗରେ ଅନ୍ୟ ଏକ ପ୍ରମୁଖ ଗ୍ରୀନ କରିଡରରେ ଜଳବାୟୁ ପରିବର୍ତ୍ତନର ଚାପକୁ ହ୍ରାସ କରିବା, ଜଙ୍ଗଲର ଘନତା ବୃଦ୍ଧି, ଜଙ୍ଗଲ ସୁରକ୍ଷା, ବନ୍ୟ ଜନ୍ତୁ ତଥା ସେମାନଙ୍କ ବାସ ସ୍ଥାନ ସଂରକ୍ଷଣ ପାଇଁ ୨୨ ହଜାର କୋଟିରୁ ଅଧିକ ଟଙ୍କା ବିନିଯୋଗ ଯୋଜନା କରାଯାଇଛ।

ଅନିୟମିତ ମୌସୁମୀକୁ ନେଇ ରାଜ୍ୟରେ ନିୟମିତ ବନ୍ୟା ଓ ମରୁଡ଼ି ପରିସ୍ଥିତି ସୃଷ୍ଟି ହେବାର ଚିନ୍ତା ପ୍ରକଟ କରି ଏହି ନୂତନ କାର୍ଯ୍ୟ ଯୋଜନାରେ କୃଷକମାନଙ୍କ ପାଇଁ ଦକ୍ଷତା ବିକାଶ କାର୍ଯ୍ୟକ୍ରମ ସମେତ କାର୍ଯ୍ୟକଳାପ ଗ୍ରହଣ କରିବାକୁ କୃଷି ଏବଂ ମତ୍ସ୍ୟଚାଷରେ ପ୍ରାୟ ୭୩ ହଜାର କୋଟି ଟଙ୍କା ବିନିଯୋଗ କରିବାକୁ ପ୍ରସ୍ତାବ ଦିଆଯାଇଛି।

ଶକ୍ତି ଦକ୍ଷତା ବୃଦ୍ଧି ପାଇଁ ୫ ହଜାର ୩୩୨ କୋଟି ଟଙ୍କା ଧାର୍ଯ୍ୟ କରାଯାଇଛି । ହାଇଡେଲ ପ୍ଲାଣ୍ଟକୁ ପ୍ରୋତ୍ସାହିତ କରିବା ଏବଂ ଜଳବାୟୁ ପରିବର୍ତ୍ତନ ରଣନୀତି ଅନୁଯାୟୀ ସର୍ବାଧିକ ସୌର ଶକ୍ତି ଉତ୍ପାଦନକୁ ପ୍ରାଧାନ୍ୟ ଦିଆଯାଉଛି ।

ଏହି ଅବଧିରେ ସ୍ୱାସ୍ଥ୍ୟ କ୍ଷେତ୍ରରେ ପ୍ରାୟ ୬୪୨ କୋଟି ଟଙ୍କା ବିନିଯୋଗ ଯୋଜନା କରାଯାଇଛି। କ୍ଲାଇମେଟ ପୃଫ୍ ଟେଲିକମ୍ ଏବଂ ଶକ୍ତି ଭିତ୍ତିଭୂମି ସୃଷ୍ଟି ତଥା ବିକଳ୍ପ ଯୋଗାଯୋଗ ବ୍ୟବସ୍ଥାକୁ ମଜବୁତ କରିବା ପାଇଁ ରାଜ୍ୟ ପର୍ଯ୍ୟାପ୍ତ ପୁଞ୍ଜି ବିନିଯୋଗ ମଧ୍ୟ କରୁଛି।