ଭୁବନେଶ୍ୱର: ଓଡିଶା ଫୁଟବଲ ଆସୋସିଏଶନ ଓ କ୍ରୀଡା ଏବଂ ଯୁବ ବ୍ୟାପାର ମନ୍ତ୍ରଣାଳୟ ମିଳିତ ସହାୟତାରେ ଓଡିଶା ମହିଳା ଲିଗ ଫୁଟବଲ ଫେବୃୟାରୀ ୧୨ରୁ ଆରମ୍ଭ ହେବ । କଳିଙ୍ଗ ଷ୍ଟାଡିୟମରେ ଗୁରୁବାର ଏହାର ଜର୍ସି ଉନ୍ମୋଚିତ ହୋଇଥିଲା । କ୍ରୀଡା ଏବଂ ଯୁବ ବ୍ୟାପାର ବିଭାଗର ସେକ୍ରେଟାରୀ ଆର.ଭିନିଲ କ୍ରିଷ୍ଣା ଓ ଫାଓର ଯୁଗ୍ମ ସଚିବ ଅଭିଜିତ ପାଲ ଅଂଶଗ୍ରହଣ କରିବାକୁ ଯାଉଥିବା ୬ଟିମର ଜର୍ସି ଉନ୍ମୋଚିତ କରିଥିଲେ ।
ଏହି ଅବସରରେ ପ୍ୟାରୀ ଖାଖା ଓ ମନୀଷ ପନ୍ନା ନିକଟରେ ସମ୍ପନ୍ନ ହୋଇଥିବା ଏଏଫସି ଏସିଆ କପ ପାଇଁ ଜାତୀୟ ଦଳ ପକ୍ଷରୁ ପ୍ରତିନିଧିତ୍ୱ କରିଥିବାରୁ ସେମାନଙ୍କୁ ସମ୍ମାନିତ କରାଯାଇଥିଲା । ଶୁଭେନ୍ଦୁ ପଣ୍ଡା, ସସ୍ମିତା ମଲ୍ଲିକ ଓ ଶ୍ରଦ୍ଧାଞ୍ଜଳି ସାମନ୍ତରାୟ ଉପସ୍ଥିତ ଥିଲେ । ୬ଟି ଟିମକୁ ନେଇ ଡବଲ ଲେଗ ଫର୍ମାଟରେ ଏହି ଲିଗ ଆୟୋଜିତ ହେବ । ଏଥିରେ ଚାମ୍ପିୟନ ହୋଇଥିବା ଦଳ ଇଣ୍ଡିଆନ ମହିଳା ଲିଗ ପାଇଁ ମନୋନୀତ ହେବ ।
Comments are closed.