ବର୍ମିଂହାମ: ଓଡିଶାର ୨ ଷ୍ଟାର ଆଥଲେଟ ଦୂତି ଚାନ୍ଦ ଓ ଶ୍ରାବଣୀ ନନ୍ଦଙ୍କ ଚମତ୍କାର ପ୍ରଦର୍ଶନ ବଳରେ ଭାରତ ଚଳିତ ରାଜ୍ୟଗୋଷ୍ଠୀ କ୍ରୀଡା ମହିଳା ୪ ଗୁଣନ ୧୦୦ ମିଟର ରିଲେର ଫାଇନାଲରେ ପ୍ରବେଶ କରିଛି । ଦୂତି, ଶ୍ରାବଣୀଙ୍କ ବ୍ୟତୀତ ଏଥିରେ ହିମା ଦାସ ଓ ଜ୍ୟୋତି ୟାରାଜି ମଧ୍ୟ ଅଂଶଗ୍ରହଣ କରିଥିଲେ । ପ୍ରଥମ ଲେଗରେ ଦୂତି ରେସ ଆରମ୍ଭ କରିଥିଲେ ଏହା ପରେ ହିମା ଦାସ ଏବଂ ଶ୍ରାବଣୀ ଏହାକୁ ଆଗକୁ ବଢ଼ାଇଥିଲେ । ଜ୍ୟୋତି ରେସ ଫିନିଶ କରିଥିଲେ । ଭାରତ ୪୪.୫ ସେକେଣ୍ଡ ସମୟ ନେଇ ଦ୍ୱିତୀୟ ସ୍ଥାନରେ ଥିବା ବେଳେ ୪୩.୬୬ ସେକେଣ୍ଡ ସହ ଜାମାଇକା ପ୍ରଥମ ସ୍ଥାନରେ ରହିଛି । ଜାମାଇକା, ଭାରତ, ନାଇଜେରିଆ, ଇଂଲଣ୍ଡ, ଅଷ୍ଟ୍ରେଲିଆ, ସ୍କଟଲାଣ୍ଡ ଓ ତ୍ରିନିଦାଦ ଆଣ୍ଡ ଟବାଗୋ, ଘାନା ଟିମ ମଧ୍ୟରେ ସ୍ୱର୍ଣ୍ଣ ପଦକ ପାଇଁ ମୁକାବିଲା ହେବ । ପୂର୍ବରୁ ୪ ଗୁଣନ ୪୦୦ ରିଲେରେ ଭାରତ ପୁରୁଷ ଟିମ ଫାଇନାଲରେ ପ୍ରବେଶ କରି ସାରିଛି । ରବିବାର ଫାଇନାଲ ମ୍ୟାଚ ଖେଳାଯିବ ।
Comments are closed.