ନୂଆଦିଲ୍ଲୀ: ଦିଲ୍ଲୀରେ ଆଗକୁ ରହିଛି ନଗର ନିଗମ ନିର୍ବାଚନ । ବିଜେପି ଓ ଆମ ଆଦମୀ ପାର୍ଟି ମଧ୍ୟରେ ଚାଲିଛି କଡ଼ା ପ୍ରତିଯୋଗୀତା । ଆପ୍ ବିରୁଦ୍ଧରେ ବିଜେପି ଆଣିଛି ଘୋଡ଼ା ବେପାର ଅଭିଯୋଗ। ବିଜେପିର ଅଭିଯୋଗ ଦଳୀୟ ଟିକେଟ୍ ବିକୁଛି ଆପ୍ । ଗତକାଲିଠୁ ଦିଲ୍ଲୀ ରାଜନୀତି ଖୁବ ସରଗରମ ରହିଛି ।
ଆପ୍ ବିଧାୟକ ଗୁଲାବ ସିଂ ଯାଦବଙ୍କୁ ସର୍ବସମ୍ମୁଖରେ ମାଡ଼ ମାରିଛନ୍ତି ସଭାରେ ବସିଥିବା କିଛି ବ୍ୟକ୍ତି । ଏପରିକି ନିଜକୁ ବଞ୍ଚାଇବା ପାଇଁ ସେ ଦୌଡ଼ି ଦୌଡ଼ି ପଳାଇବାକୁ ବାଧ୍ୟ ହୋଇଥିଲେ । ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି । ତେବେ ଆକ୍ରମଣକାରୀ କେଉଁ ଦଳର ତାହା ସ୍ପଷ୍ଟ ହୋଇନାହିଁ । ପୋଲିସ ଏହାର ତଦନ୍ତ କରୁଛି । କିନ୍ତୁ ଘଟଣାକୁ ନେଇ ବିଜେପି ଓ ଆପ୍ ମଧ୍ୟରେ ବାକ୍ ଯୁଦ୍ଧ ଜାରି ରହିଛି । ଉଭୟ ଉଭୟେକୁ ଦୋଷ ଲଦାଲଦି ହେଉଛନ୍ତି ।
ଆପ୍ ବିଧାୟକ ଗୁଲା ସିଂ ଯାଦବ ମାଟିଆଲାଲରୁ ନିର୍ବାଚିତ ହୋଇଛନ୍ତି । ସେ ଗତକାଲି ଦଳୀୟ ସମର୍ଥକମାନଙ୍କୁ ନେଇ ବୈଠକ କରୁଥିଲେ । ଏହି ସମୟରେ କିଛି ବ୍ୟକ୍ତି ତାଙ୍କ ଆକ୍ରମଣ କରିଥିଲେ । ସାର୍ଟ କଲାର ଧରି ଟଣା ଘୋଷରା କରିଥିଲେ । ସେମାନଙ୍କ କବଳରୁ ବଞ୍ଚିବାକୁ ଚେଷ୍ଟା କରିଥିଲେ ବିଧାୟକ । ଶେଷରେ ସେଠାରୁ ତାଙ୍କୁ ଦୌଡ଼ି ପଳାୟନ କରିବାକୁ ପଡିଥିଲା ।
ଏହି ଭିଡିଓକୁ ବିଜେପି ନେତାମାନେ ସୋସିଆଲ ମିଡିଆରେ ସେୟାର କରୁଥିବା ଦେଖିବାକୁ ମିଳିଛି । ସେମାନଙ୍କ ମଧ୍ୟରୁ ସମ୍ୱିତ ପାତ୍ର ଜଣେ । ନିଜ ଟ୍ୱିଟରେ ସମ୍ୱିତ ଲେଖିଛନ୍ତି, “ସଚ୍ଚୋଟ ରାଜନୀତି କଥା କହୁଥିବା ଦଳର ଜଣେ ବିଧାୟକଙ୍କ ଥିଏଟ୍ରିକାଲ୍ ଡ୍ରାମାର ଦୃଶ୍ୟ । ଯାହାକି ଅଭାବନୀୟ । ଆପ୍ ଦୁର୍ନୀତିଗ୍ରସ୍ତ ହୋଇଥିବାରୁ ନିଜ ସମର୍ଥକମାନେ ମଧ୍ୟ ବିଧାୟକମାନଙ୍କୁ ଗୋଡ଼ାଇ ଗୋଡ଼ାଇ ବାଡେଇବାକୁ ପଛାଉନାହାଁନ୍ତି ।” ପୌରନିଗମ ନିର୍ବାଚନରେ ସେମାନଙ୍କ ସ୍ଥିତି ଆହୁରି ଗମ୍ଭୀର ହେବ ବୋଲି କହିଛନ୍ତି ସମ୍ୱିତ ପାତ୍ର ।
मटियाला विधानसभा से AAP के विधायक गुलाब सिंह यादव द्वारा टिकट बेचने पर नाराज AAP के ही कार्यकर्ताओं के द्वारा उनकी पिटाई की यह वीडियो देख…
कहीं अरविंद केजरीवाल जी की भी यादाश्त ना चली जाए, क्योंकि इन सभी भ्रष्टाचारियों के KINGPIN तो अरविंद केजरीवाल ही हैं। pic.twitter.com/GEmo9CqJn4
— Sambit Patra (@sambitswaraj) November 21, 2022
ଏହା ପରେ ତୁରନ୍ତ ବିଧାୟକ ଯାଦବ ବିଜେପିର ଅଭିଯୋଗକୁ ଖଣ୍ଡନ କରିଥିଲେ । ଟିକେଟ୍ ବିକ୍ରି ଅଭିଯୋଗ ଭିତ୍ତିହୀନ । ମୁଁ ଏବେ ଚାଓ୍ୱଲା ପୋଲିସ ଷ୍ଟେସନରେ ବସିଛି । ଯେଉଁମାନେ ମୋତେ ଆକ୍ରମଣ କରିଥିଲେ, ସେମାନଙ୍କୁ ବଞ୍ଚାଇବାକୁ ଏଠାକୁ ବିଜେପି କର୍ପୋରେଟର ଓ ବିଜେପି ପ୍ରାର୍ଥୀ ଆସିଛନ୍ତି । ବିଜେପିକର୍ମୀ ମୋତେ ଆକ୍ରମଣ କରିଛନ୍ତି, ଏହାଠୁ ବଡ଼ ପ୍ରମାଣ ଆଉ କଣ ହୋଇପାରେ ବୋଲି ଟ୍ୱିଟ୍ କରିଛନ୍ତି ବିଧାଯକ ଯାଦବ । ତେବେ ଏନେଇ ଆପ୍ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ ।
भाजपा बौखला गई है भाजपा टिकिट बेचने के बेबुनियादी आरोप लगवा रही है अभी में छावला थाने में हूं मैंने देखा भाजपा का निगम पार्षद व इस वार्ड से भाजपा का उम्मीदवार उन लोगो को बचाने थाने में मौजूद है इससे बड़ा सबूत और क्या होगा।
मीडिया यहां मौजूद है भाजपाई से जरूर पूछे। pic.twitter.com/jGXrc5P20F— Gulab Singh yadav (@GulabMatiala) November 21, 2022
