ମୁମ୍ବାଇ: ବଲିଉଡ ସୁପରଷ୍ଟାର ତଥା କିଙ୍ଗ ଖାନ ଶାହରୁଖ ଖାନ ପୁଣିଥରେ ‘ଜୱାନ’ ସହିତ ବଡ ପରଦାରେ ଏଣ୍ଟ୍ରି ମାରିଛନ୍ତି। ଆଶ୍ଚର୍ଯ୍ୟଜନକ କଥା ହେଉଛି କିଙ୍ଗ ଖାନଙ୍କ ‘ଜୱାନ୍’ ରିଲିଜ୍ ହେବା ପରେ ଚଳଚ୍ଚିତ୍ରଟି ଇଣ୍ଡଷ୍ଟ୍ରିର ଦୀର୍ଘ ଦିନର ଇତିହାସକୁ ବଦଳାଇ ଦେଇଛି । ଅଧିକାଂଶ ଚଳଚ୍ଚିତ୍ରର ପ୍ରଥମ ଦିନ ପ୍ରଥମ ସୋ ସକାଳ ପ୍ରାୟ ୯ଟାରୁ ଆରମ୍ଭ ହୋଇଥାଏ । ମାତ୍ର ଶାହାରୁଖ ଖାନଙ୍କ ‘ଜୱାନ’ର ପ୍ରଥମ ଦିନ ପ୍ରଥମ ସୋ ସକାଳ ୫ ଟାରୁ ଆରମ୍ଭ ହୋଇଥିଲା। ଏଥିରୁ ଅନୁମାନ କରାଯାଇପାରେ ଯେ ‘ଯବାନ’ ପାଇଁ ପ୍ରଶଂସକମାନେ କେତେ ଉତ୍ସାହିତ ଥିଲେ। ରିପୋର୍ଟ ଅନୁଯାୟୀ କେବଳ ଏତିକି ନୁହେଁ, କେତେକ ସ୍ଥାନରେ ‘ଜୱାନ’ର ପ୍ରଥମ ଦିନ ପ୍ରଥମ ସୋ ରାତି ପ୍ରାୟ ୨ ରୁ ସାଢେ ୨ଟା ମଧ୍ୟରେ ଆରମ୍ଭ ହୋଇଥିଲା।
ସୂଚନା ଅନୁଯାୟୀ, ଶାହରୁଖ ଖାନ୍ ଓ ନୟନତାରାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଜୱାନ’ ଗତକାଲି ବଡ଼ ପରଦାରେ ରିଲିଜ ହୋଇଛି। କିଙ୍ଗ ଖାନଙ୍କ ‘ଜୱାନ୍’ ପ୍ରଥମ ଦିନରୁ ହିଁ ଦମଦାର ବକ୍ସ ଅଫିସ କଲେକ୍ସସନ୍ କରିଥିବା ଦେଖିବାକୁ ମିଳିଛି । ଶାହାରୁଖ ଖାନଙ୍କ ‘ଜୱାନ୍’ ଚଳିତ ବର୍ଷ ରିଲିଜ ହୋଇଥିବା ବ୍ଲକ ବ୍ଲଷ୍ଟର ଫିଲ୍ମ’ ପଠାନ’ର ରେକର୍ଡ ମଧ୍ୟ ଭାଙ୍ଗିଛି । ‘ପଠାନ’ର ଓପନିଂ ଡ଼େ କଲେକ୍ସସନ୍ ୫୭ କୋଟି ଟଙ୍କା ଥିବାବେଳେ ‘ଜୱାନ୍’ ରିଲିଜର ପ୍ରଥମ ଦିନ ୭୫ କୋଟି ଟଙ୍କା ରୋଜଗାର କରି ରେର୍କଡ଼ କରିଛି। ‘ଜାୱାନ୍’ ତିନୋଟି ଭାଷାରେ ରିଲିଜ ହୋଇଥିବା ବେଳେ ହିନ୍ଦୀ ଭାଷାରେ ସର୍ବାଧିକ ୬୫ କୋଟି ଟଙ୍କା ଆୟ କରିଛି। ସେହିପରି ତାମିଲ ଓ ତେଲୁଗୁ ଭାଷାରେ ଏହି ଫିଲ୍ମ ୫-୫ କୋଟି ଟଙ୍କା ରୋଜଗାର କରିଛି।
ସାଉଥର ସିନେମାର ସୁପର ନିର୍ଦ୍ଦେଶକ ଆଟଲିଙ୍କ ଦ୍ଵାରା ନିର୍ଦ୍ଦେଶିତ ଏହି ଫିଲ୍ମରେ ଶାହରୁଖ ଖାନ, ନୟନତାରାଙ୍କ ବ୍ୟତୀତ ବିଜୟ ସେଥୁପଥୀ ମଧ୍ୟ ନଜର ଆସିଛନ୍ତି । ଏଥିରେ ଦୀପିକା ପାଦୁକୋନଙ୍କର ଏକ ବିଶେଷ ଦୃଶ୍ୟ ରହିଛି । ଫିଲ୍ମକୁ ଦର୍ଶକଙ୍କ ଠାରୁ ବହୁତ ଭଲ ରେସପନ୍ସ ମିଳିଥିବା ଦେଖିବାକୁ ମିଳିଛି ।
Comments are closed.