ଭୁବନେଶ୍ୱର: ଖୋର୍ଦ୍ଧା ଜିଲ୍ଲାରେ ଜଣେ ମହିଳାଙ୍କୁ ଗଣଦୁଷ୍କର୍ମ କରିବା ଘଟଣାରେ ପୋଲିସ ଗୁରୁବାର ଦିନ ଜଣେ ଅଭିଯୁକ୍ତଙ୍କୁ ଗିରଫ କରିଛି । ଏଥିସହିତ ଘଟଣାରେ ବ୍ୟବହୃତ ଏକ କାରକୁ ମଧ୍ୟ ଜବତ କରାଯାଇଛି ।
ପିଏନ୍ କଲେଜ ନିକଟ ୧୬ନଂ ଜାତୀୟ ରାଜପଥ ନିକଟରେ ସମ୍ପୃକ୍ତ ପିଡିତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯିବାର ଗୋଟିଏ ଦିନ ପରେ ଅଭିଯୁକ୍ତଙ୍କୁ ଗିରଫ କରାଯାଇଛି ।
Regarding alleged rape of a lady in a car reported in Khurda, a case has been registered on transfer on point of jurisdiction from Khurda in Khandagiri PS. Accused has been apprehended and car seized. Investigation is on.Senior officers are monitoring investigation.@cpbbsrctc
— DCP Bhubaneswar (@dcpbbsr) November 7, 2019
ଏନେଇ ଭୁବନେଶ୍ୱର ଡିସିପି ଟ୍ୱିଟ୍ କରିଛନ୍ତି ।
ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ସମ୍ପୃକ୍ତ ପିଡିତା ଜଣକ ଏନେଇ ଏକ ମାମଲା ରୁଜୁ କରିଥିଲେ । ଉକ୍ତ ଅଭିଯୋଗରେ ସେ ଉଲ୍ଲେଖ କରିଛନ୍ତି, ଭୁବନେଶ୍ୱର ଯିବା ଲାଗି ଜଣେ କାର୍ ଚାଳକ ତାଙ୍କୁ ଲିଫ୍ଟ ଦେଇଥିଲେ । ପରେ କାରରେ ଥିବା ଅନ୍ୟମାନେ ତାଙ୍କୁ ଦୁଷ୍କର୍ମ କରିବା ପରେ ରାସ୍ତାରେ ଫୋପାଡି ଦେଇଥିଲେ ।
ହସ୍ପିଟାଲକୁ ଯାଇ ଖୋର୍ଦ୍ଧା ଏସପି ଅଜୟ କୁମାର ସ୍ୱାଇଁ ସମ୍ପୃକ୍ତ ପିଡିତାଙ୍କୁ ଭେଟିବା ସହ ତାଙ୍କ ବୟାନ୍ ମଧ୍ୟ ନେଇଥିଲେ ।