ଅନୁଗୁଳ : ଗାଁରେ ମାତିଛନ୍ତି ହାତୀ । ଅନୁଗୁଳ ଜିଲ୍ଲା ନଳଚନ୍ଦ୍ରପୁର ଗାଁରେ ହାତୀ ଆକ୍ରମଣରେ ଏକ ଗାଇ ସହ ଜଣେ ବୃଦ୍ଧଙ୍କର ମୃତ୍ୟୁ ହୋଇଯାଇଛି। ଦିନକୁ ଦିନ ଗାଁରେ ହାତୀ ଆତଙ୍କ ବଢ଼ିବାରେ ଲାଗିଛି । ଜଙ୍ଗଲ ଛାଡି ଏବେ ଗାଁ ମୁହାଁ ହେଉଛନ୍ତି ହାତୀ। ନଳଚନ୍ଦ୍ରପୁର ଗାଁର ବୃଦ୍ଧ ଧନେଶ୍ୱର ଭୁକ୍ତା ଗାଧେଇବା ପାଇଁ ଯିବାବେଳେ ତାଙ୍କୁ ହାତୀ ଆକ୍ରମଣ କରିଥିଲା ବୋଲି ଜଣାପଡ଼ିଛି ।
ବଅଁରପାଲ ବ୍ଲକ ଗଡ଼ସନ୍ତ୍ରୀ ପଞ୍ଚାୟତରେ ଗତ କିଛି ଦିନ ଭିତରେ ୨୦ ରୁ ଅଧିକ ହାତୀ ଚାଷ ଜମି ଗୁଡିକରେ ପଶି ଫସଲ ନଷ୍ଟ କରିବା ସହ ଗାଁ ନିକଟରେ ବୁଲାବୁଲି କରୁଛନ୍ତି । ଫଳରେ ଗାଁ ଲୋକମାନେ ଭୟଭୀତ ଅବସ୍ଥାରେ ଅଛନ୍ତି। ଗାଁ ଲୋକମାନଙ୍କ ମୋଟରସାଇକେଲ ମଧ୍ୟ ଭଙ୍ଗାରୁଜା କରୁଛନ୍ତି ହାତି ପଲ୍ଲ।
ସେପଟେ ଖବର ପାଇ ବନ ବିଭାଗ ଘଟଣା ସ୍ଥଳରେ ପହଁଚି ହାତୀ ଘଉଡାଇବାକୁ ଚେଷ୍ଟା କରୁଛି । ବଅଁରପାଲ ଅଞ୍ଚଳରେ ହାତୀ ଉତ୍ପାତ ଲାଗି ରହୁଥିବାରୁ ସ୍ଥାନୀୟ ଅଞ୍ଚଳରେ ଲୋକମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
Comments are closed.