ରାଜଧାନୀରେ ଚାଞ୍ଚଲ୍ୟ: ଗୋଡ଼ାଇ ଗୋଡ଼ାଇ ଛୁରି ଭୁଷିଲେ ଦୁର୍ବୃତ୍ତ, ଗୁରୁତର ଆହତ ଯୁବକ ଏସସିବିରେ ଭର୍ତ୍ତି

ଭୁବନେଶ୍ୱର: ରାଜଧାନୀରେ ବୁଧବାର ଦିନ ସକାଳେ ବିଚ୍ ରାସ୍ତା ଉପରେ ଦୁଇଜଣ ଯୁବକଙ୍କ ନୃଶଂସ ଆକ୍ରମଣ ଘଟଣା ଯୋଗୁଁ ଚାଞ୍ଚଲ୍ୟ ଖେଳିଯାଇଛି । ଦୁଇଜଣ ଯୁବକଙ୍କ ଛୁରାମାଡ଼ ଯୋଗୁଁ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି ।

ମିଳିଥିବା ସୂଚନାନୁଯାୟୀ, ରାଜଧାନୀର ବ୍ୟସ୍ତବହୁଳ ନୟାପଲ୍ଲୀ ଅଞ୍ଚଳରେ ଥିବା ପାସପୋର୍ଟ ଅଫିସ ନିକଟସ୍ଥ ରାସ୍ତା କଡ଼ରେ ଦୁଇଜଣ ଦୁର୍ବୃତ୍ତ ଜଣେ ଯୁବକଙ୍କୁ ଅତର୍କିତ ଭାବେ ଗୋଡ଼ାଇଥିଲେ । ଏହି ତିନିଜଣ ଯୁବକଙ୍କ ରାସ୍ତା ଉପରେ ଦୌଡ଼ାଦୌଡ଼ି ଏବଂ ଛକାପଂଝା ମଧ୍ୟରେ ସେହି ସ୍ଥାନଟିରେ କିଛି ସମୟ ଲାଗି ଭୟାନକ ପରିସ୍ଥିତି ସୃଷ୍ଟି ହୋଇଯାଇଥିଲା । ଜଣେ ଯୁବକଙ୍କୁ ଗୋଡ଼ାଇ ଗୋଡ଼ାଇ ଅନ୍ୟ ଦୁଇଜଣ ଯୁବକ ଛୁରୀ ଭୁଷି ଚାଲିଥିଲେ ।

ଦୁର୍ବୃତ୍ତମାନଙ୍କ ଏହି ନୃଶଂସପୂର୍ଣ୍ଣ କାରବାରରେ ଜଣେ ଯୁବକ ଗୁରୁତର ଭାବେ ଆହତ ହୋଇଛନ୍ତି । ଗୁରୁତର ଆହତ ଅବସ୍ଥାରେ ଯୁବକ ଜଣକଙ୍କୁ କଟକର ଏସସିବି ମେଡ଼ିକାଲ୍ କଲେଜ ଓ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି ।

ଏହି ଘଟଣା ଘଟାଇ ଦୁଇଜଣ ଦୁର୍ବୃତ୍ତ ଦୌଡ଼ି ଖସି ପଳାଇଯାଉଥିବା ବେଳେ ପୋଲିସ ଗୋଡ଼ାଇ ଗୋଡ଼ାଇ ଧରିବାକୁ ସକ୍ଷମ ହୋଇଛି । ଏହି ଘଟଣାରେ ସଂପୃକ୍ତ ଅନ୍ୟ ଜଣେ ଯୁବକ ଜଣକ ଫେରାର୍ ହୋଇଯାଇଛି ।

ଏହି ଘଟଣା ସମ୍ପର୍କରେ ପୋଲିସ ନୟାପଲ୍ଲୀ ଏବଂ ଆଖପାଖ ଅଞ୍ଚଳରେ ଛାନଭିନ୍ନ ଜାରି ରଖିଛି ।