ନୂଆଦିଲ୍ଲୀ: ଆଜିକୁ ଠିକ ବର୍ଷେ ତଳେ ଜମ୍ମୁ-କଶ୍ମୀରରୁ ହଟିଥିଲା ଧାରା ୩୭୦ । ଐତିହାସିକ ଜମ୍ମୁ ଓ କାଶ୍ମୀର ରାଜ୍ୟ ପୁନର୍ଗଠନ ବିଲ୍ ୨୦୧୯ ଅଗଷ୍ଟ ୫ ତାରିଖରେ ରାଜ୍ୟସଭାରେ ଗୃହୀତ ହୋଇଥିଲା । ଏହି ବିଲ୍ ସପକ୍ଷରେ ୧୨୫ ଏବଂ ବିପକ୍ଷରେ ୬୧ଟି ଭୋଟ ଦିଆଯାଇଥିଲା ।
ଏହାକୁ ନେଇ ରାଜ୍ୟସଭାରେ ବେଶ୍ ହଙ୍ଗମା ମଧ୍ୟ ହୋଇଥିଲା। କଂଗ୍ରେସ ସହିତ ପିଡିପିର ବହୁ ନେତା ଏହାକୁ ବିରୋଧ କରିଥିଲେ। କିନ୍ତୁ ସମସ୍ତ ଘାତ ପ୍ରତିଘାତକୁ ଏଡାଇ ଜମ୍ମୁ-କଶ୍ମୀରୁ ଧାରା ୩୭୦ ଉଚ୍ଛେଦକୁ ହଟାଇ ଐତିହାସିକ ନିଷ୍ପତ୍ତି ନେଇଥିଲେ ମୋଦୀ ସରକାର ।
ରାଜ୍ୟସଭାରେ ଗୃହୀତ ହେବା ପରେ ରାଷ୍ଟ୍ରପତିଙ୍କ ଅନୁମୋଦନରେ ବିଲଟି ଆଇନରେ ପରିଣତ ହୋଇଥିଲା ପରେ ହିଁ ଜମ୍ମୁ ଓ କାଶ୍ମୀର ଏକ କେନ୍ଦ୍ରଶାସିତ ଅଞ୍ଚଳ ଏବଂ ଏଥିସହିତ ଲଦାଖ ମଧ୍ୟ କେନ୍ଦ୍ରଶାସିତ ଅଞ୍ଚଳ ଭାବେ ପରିଗଣିତ ହେଲା ।
ଏହି ବିଲଟିକୁ ରାଜ୍ୟସଭାରେ ଆଗତ କରିବା ସମୟରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା କହିଥିଲେ ଯେ, ୩୭୦ ଧାରା ଯୋଗୁଁ ଜମ୍ମୁ ଓ କାଶ୍ମୀରର ବିକାଶରେ ବାଧାସୃଷ୍ଟି ହେଉଥିଲା ।ବର୍ଷେ ତଳେ ସରକାର କଶ୍ମୀରରୁ ଧାରା ୩୭୦ ସହିତ ଆର୍ଟିକିଲ ୩୫ଏକୁ ମଧ୍ୟ ହଟାଇ ଦେଇଥିଲେ।
ଏହି ଧାରା ହଟିବା ଦ୍ୱାରା
-ଜମ୍ମୁ ଓ କଶ୍ମୀରରୁ ବିଶେଷ ରାଜ୍ୟ ପାହ୍ୟା ଶେଷ ହୋଇଯାଇଛି
-ଜମ୍ମୁ-କଶ୍ମୀରେ ଏବେ ଦେଶର ଆଇନ ଲାଗୁ ହୋଇଛି
-ଅନ୍ୟ ରାଜ୍ୟର ନାଗରିକଙ୍କ ପରି ଏମାନେ ବି ସରକାରୀ ଚାକିରି କରି ପାରିବେ
-ଅନ୍ୟ ରାଜ୍ୟର ବାସିନ୍ଦା ଜମ୍ମୁ-କଶ୍ମୀରରେ ନାଗରିକ ହୋଇ ପାରିବେ
-ଏଠାକାର ଝିଅ ବାହାରେ ବିବାହ କରିବା ଦ୍ବାରା ଏମାନଙ୍କର କୌଣସି ଅଧିକାର ଚ୍ଛିନ୍ନ ହେବ ନାହିଁ।