ସାଲେପୁର: ଯାତ୍ରା ଆରମ୍ଭରୁ ଘଟିଲା ବଡ ଅଘଟଣ । ଯାତ୍ରା ପାର୍ଟି ସମ୍ମୁଖରେ ଭୁଶୁଡ଼ିଲା ଲୁହାର ଏଣ୍ଟ୍ରି ଗେଟ୍ । ଲୁହାର ଏଣ୍ଟ୍ରି ଗେଟ୍ ଭୁଶୁଡ଼ି ୩୦ରୁ ଊର୍ଦ୍ଧ୍ବ ଦର୍ଶକ ଆହତ । ଦର୍ଶକମାନେ ଟିକେଟ କାଟି ପ୍ରବେଶ କରୁଥିବା ବେଳେ ବଡ ଅଘଟଣ ଘଟିଥିବା ବେଳେ ଆହତଙ୍କ ମଧ୍ୟରୁ ୬ ଗୁରୁତର କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।
ତେବେ ମିଳିଥିବା ସୂଚନା ଅନୁଯାୟୀ, କଟକ ଜିଲ୍ଲା ସାଲେପୁର ବ୍ଲକ ଅନ୍ତର୍ଗତ ରାଇସୁଙ୍ଗୁଡ଼ା ଶନି ପଡ଼ିଆରେ ଯାତ୍ରା ସମାବେଶ ବସିଥିବା ବେଳେ ଗତକାଲି ଦ୍ଵିତୀୟ ସନ୍ଧ୍ୟାରେ ପ୍ରବଳ ଦର୍ଶକଙ୍କ ଗହଳି ମଧ୍ୟ ଜମିଥିଲା । ଏତିକିବେଳେ ଦର୍ଶକ ମାନେ ଟିକେଟ୍ କାଟି ପ୍ରବେଶ କରୁଥିବାବେଳେ ହଠାତ୍ ଲୁହା ଏଣ୍ଟ୍ରି ଗେଟଟି ଭୁଶୁଡି ପଡିଥିଲା। ଯାତ୍ରା ଆରମ୍ଭ ଆରମ୍ଭ ପୂର୍ବରୁ ଟିକଟ କାଟି ଦର୍ଶକ ଯାତ୍ରା ହଲ ଭିତରକୁ ପ୍ରବେଶ କରୁଥିବା ବେଳେ ଏଣ୍ଟ୍ରି ଗେଟଟି ଭୁଶୁଡି ପଡିଥିଲା । ଏଥିରେ ଶିଶୁ, ମହିଳା ଏବଂ ବୟସ୍କଙ୍କ ସମେତ ପ୍ରାୟ ୩୦ରୁ ଅଧିକ ଦର୍ଶକ ଆହତ ହୋଇଥିବାବେଳେ ୬ ଗୁରୁତରଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି।