ନୂଆଦିଲ୍ଲୀ: ଅକ୍ସଫୋର୍ଡ ୟୁନିଭରସିଟି ନିପା ଭାଇରସ ଟିକା ଉପରେ ମାନବ ପରୀକ୍ଷା ଆରମ୍ଭ କରିଛି, ଯାହା କେରଳ ସମେତ ଭାରତର କେତେକ ରାଜ୍ୟ ଏବଂ ଏସିଆର ଅନେକ ଅଞ୍ଚଳରେ ଚିନ୍ତାର କାରଣ ହୋଇଛି । ଏହି ମାରାତ୍ମକ ଜୀବାଣୁ ପାଇଁ ଏପର୍ଯ୍ୟନ୍ତ କୌଣସି ଟିକା ଉପଲବ୍ଧ ନାହିଁ । ଏହାର ପରୀକ୍ଷଣରେ, ଆଷ୍ଟ୍ରାଜେନେକା ଏବଂ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର କୋଭିଡ୍ -19 ସଟ ଭଳି ଟେକ୍ନୋଲୋଜି ବ୍ୟବହାର କରାଯାଉଛି |
ପ୍ରାୟ ୨୫ ବର୍ଷ ପୂର୍ବେ ମାଲେସିଆରେ ନିପା ଜୀବାଣୁ ଚିହ୍ନଟ ହୋଇଥିଲା । ପରବର୍ତ୍ତୀ ସମୟରେ ବାଂଲାଦେଶ, ଭାରତ ଏବଂ ସିଙ୍ଗାପୁରରେ ଏହି ରୋଗ ଦେଖିବାକୁ ମିଳିଥିଲା । ଅକ୍ସଫୋର୍ଡରେ ୫୨ ଅଂଶଗ୍ରହଣକାରୀଙ୍କ ସହ ପ୍ରଥମ ପର୍ଯ୍ୟାୟ ପରୀକ୍ଷା ୧୮ ରୁ ୫୫ ବର୍ଷ ବୟସର ଲୋକଙ୍କ ସୁରକ୍ଷା ଏବଂ ପ୍ରତିରକ୍ଷା ପ୍ରତିକ୍ରିୟାକୁ ଆକଳନ କରିବ। ଅକ୍ସଫୋର୍ଡ ପରୀକ୍ଷଣରେ ପ୍ରଥମ ଅଂଶଗ୍ରହଣକାରୀମାନେ ଗତ ସପ୍ତାହରେ ଟିକା ଗ୍ରହଣ କରିଥିଲେ। ଏହି ସଟ ସମାନ ଟେକ୍ନୋଲୋଜି ଉପରେ ଆଧାରିତ ଯାହା ଆଷ୍ଟ୍ରାଜେନେକା (AZN.L) ଏବଂ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର କୋଭିଡ୍ -୧୯ ସଟ୍ ରେ ବ୍ୟବହୃତ ହୋଇଥିଲା |
ପ୍ରକାଶଥାଉକି, ଫଳ ଖାଉଥିବା ଚେମେଡିଙ୍କ ଦ୍ବାରା ସଂକ୍ରମଣ ହେଉଥିବା ସନ୍ଦେହ କରାଯିବା ପରେ ପରୀକ୍ଷା କରାଯାଇଥିଲା । ପରେ ଚେମେଡିଙ୍କ ନମୁନାରୁ ଭାଇରସ୍ ଥିବା ନେଇ ଜଣାପଡିଥିଲା । ନିପା ଭାଇରସ୍ ହେଉଛି ଏକ ପ୍ରକାର ରେସ୍ପିରେଟାରୀ ଭାଇରସ । ଏହା ଜ୍ୱର, ବାନ୍ତି, ମୁଣ୍ଡବିନ୍ଧା, ଗଳା ଯନ୍ତ୍ରଣା, ନିଶ୍ୱାସ ନେବାରେ ଅସୁବିଧା ଭଳି ସମସ୍ୟା ସୃଷ୍ଟି କରେ ।
Comments are closed.