ପୁଣେ: ପରଲୋକରେ ପଦ୍ମବିଭୂଷଣ ବାବାସାହେବ ପୁରନ୍ଦରେ । ମହାନ ଐତିହାସିକ ତଥା ଲେଖକ ବାବାସାହେବ ପୁରନ୍ଦରେଙ୍କ ଆଜି ଦେହାନ୍ତ ହୋଇଛି । ଭୋର୍ ୫ଟା ୭ ମିନିଟରେ ପୁଣେ ସ୍ଥିତ ଦୀନନାଥ ମଙ୍ଗେସକର ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୯୯ ବର୍ଷ ହୋଇଥିଲା । ତାଙ୍କୁ ଲାଇଫ ସପୋର୍ଟରେ ରଖାଯାଇଥିଲା ।
ଆଜି ପୁଣେର ବୈକୁଣ୍ଠ ଶ୍ମଶାନରେ ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ୟାଦା ସହ ତାଙ୍କର ଶେଷ କୃତ୍ୟ ସମ୍ପନ୍ନ କରାଯିବ । ଶନିବାର ବାଥରୁମରେ ପଡ଼ିଯିବା ପରେ ତାଙ୍କୁ ଇଣ୍ଟେନସିଭ୍ କେୟାର ୟୁନିଟରେ ଭର୍ତ୍ତି କରାଯାଇଥିଲା । ତାଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଟ୍ୱିଟ୍ କରି ଶୋକବ୍ୟକ୍ତି କରିଛନ୍ତି ।
I am pained beyond words. The demise of Shivshahir Babasaheb Purandare leaves a major void in the world of history and culture. It is thanks to him that the coming generations will get further connected to Chhatrapati Shivaji Maharaj. His other works will also be remembered. pic.twitter.com/Ehu4NapPSL
— Narendra Modi (@narendramodi) November 15, 2021
ବାବାସାହେବ ପୁରନ୍ଦରେ ଥିଲେ ଜଣେ ଖ୍ୟାତିସମ୍ପନ୍ନ ଲେଖକ, ଐତିହାସିକ ଓଥିଏଟର୍ ବ୍ୟକ୍ତିତ୍ୱ । ଛତ୍ରପତି ଶିବାଜୀ ମହାରାଜଙ୍କ ଉପରେ ପର୍ୟ୍ୟବେଷିତ କାର୍ଯ୍ୟ ପାଇଁ ତାଙ୍କୁ ପ୍ରସିଦ୍ଧି ମିଳିଥିଲା । ସେ ଶିବାଜୀ, ତାଙ୍କ ଶାସନ ଓ ସେତେବେଳର ଦୁର୍ଗଗୁଡ଼ିକ ବିଷୟରେ କେତେଗୁଡ଼ିଏ ପୁସ୍ତକ ରଚନା କରିଛନ୍ତି ।
ଛତ୍ରପତି ଶିବାଜୀଙ୍କ ଉପରେ ଆଧାରିତ ନାଟକ ‘ଜାଣତା ରାଜା’ର ସେ ନିର୍ଦ୍ଦେଶନା ବି ଦେଇଥିଲେ । ୨୦୧୫ରେ ବାବାସାହେବ ପୁରନ୍ଦରେଙ୍କୁ ମହାରାଷ୍ଟ୍ର ସରକାରଙ୍କ ପକ୍ଷରୁ ‘ମହାରାଷ୍ଟ୍ର ଭୂଷଣ ସମ୍ମାନ’ ପ୍ରଦାନ କରାଯାଇଥିଲା । ୨୦୧୯ରେ ଦେଶର ଦ୍ୱିତୀୟ ସର୍ବୋଚ୍ଚ ବେସାମରିକ ସମ୍ମାନ ପଦ୍ମ ବିଭୂଷଣରେ ସମ୍ମାନିତ ହୋଇଥିଲେ ବାବାସାହେବ ପୁରନ୍ଦରେ ।