ଶ୍ରୀନଗର: ଭାରତୀୟ ସେନା ଆତଙ୍କବାଦୀଙ୍କ ଅନୁପ୍ରବେଶ ଏବଂ BAT ଆକ୍ରମଣର ପ୍ରୟାସକୁ ପଣ୍ଡ କରିଦେଇଛନ୍ତି। ଉତ୍ତର କାଶ୍ମୀରର ଉରି ସେକ୍ଟରରେ ନିୟନ୍ତ୍ରଣ ରେଖା (LoC) ନିକଟରେ ଏକ ସେନା ଶିବିର ଉପରେ ଆକ୍ରମଣ କରିବାର ଏକ ବଡ଼ ପ୍ରୟାସକୁ ଭାରତୀୟ ସେନାର ସତର୍କ ଯବାନମାନେ ପଣ୍ଡ କରିଛନ୍ତି। ଟିକ୍କା ପୋଷ୍ଟ ନିକଟରେ ଆତଙ୍କବାଦୀମାନେ ଅନୁପ୍ରବେଶ ଓ ସୀମା ଆକ୍ସନ ଦଳ (BAT) ଆକ୍ରମଣ କରିବାକୁ ଚେଷ୍ଟା କରିଥିଲେ। BAT ବା ସୀମା ଆକ୍ସନ ଟିମ୍ ହେଉଛି ପାକିସ୍ତାନ ସେନାର ଏକ ୟୁନିଟ୍, ଯାହା ପୂର୍ବରୁ ମଧ୍ୟ ନିୟନ୍ତ୍ରଣ ରେଖାରେ ଏପରି ଆକ୍ରମଣ କରିଛି।
ଏହି ଆକ୍ରମଣରେ, ଜଣେ ଭାରତୀୟ ଯବାନ ଗୁରୁତର ହୋଇଥିଲେ, ଚିକିତ୍ସା ସମୟରେ ଶହୀଦ ହୋଇଛନ୍ତି ।
ଘଟଣାଟି ଅଗଷ୍ଟ ୧୨ ଏବଂ ୧୩ ମଧ୍ୟ ରାତିରେ ଘଟିଥିଲା। ଏହି ଆକ୍ରମଣ ୧୬ ଶିଖ ଏଲଆଇ (୦୯ ବିହାର ଆଡଭାନ୍ସ ପାର୍ଟି) ର ଦାୟିତ୍ୱ କ୍ଷେତ୍ର ଏବଂ ଉରି ପୋଲିସ ଷ୍ଟେସନ କ୍ଷେତ୍ରରେ ହୋଇଥିଲା।
ପାକିସ୍ତାନ ସମର୍ଥିତ ଆତଙ୍କବାଦୀମାନେ ଏକ ଫରଓ୍ବାର୍ଡ ପୋଷ୍ଟ ଉପରେ BAT ଆକ୍ରମଣ କରିବାକୁ ଚେଷ୍ଟା କରିଥିଲେ, କିନ୍ତୁ ସତର୍କ ସୈନିକମାନେ ତୁରନ୍ତ କଡା ଜବାବ ଦେଇଥିଲେ ଏବଂ ସେମାନଙ୍କର ଅନୁପ୍ରବେଶ ଉଦ୍ୟମକୁ ପଣ୍ଡ କରିଥିଲେ ।
ଅନ୍ଧାରର ସୁଯୋଗ ନେଇ ସେଠାରେ ଲୁଚି ରହିଥିବା ଆତଙ୍କବାଦୀମାନଙ୍କୁ ଧରିବା ପାଇଁ ଅଞ୍ଚଳରେ ଏକ ବଡ଼ ଧରଣର ଘେରାବନ୍ଦୀ ଏବଂ ସର୍ଚ୍ଚ ଅପରେସନ କରାଯାଇଥିଲା।
#जनरलउपेन्द्रद्विवेदी, #सेनाध्यक्ष तथा भारतीय थल सेना के समस्त पद, सिपाही बनोठ अनिल कुमार को श्रद्धांजलि अर्पित करते हैं, जिन्होंने जम्मू-कश्मीर के #बारामूला में ऑपरेशनल ड्यूटी के दौरान सर्वोच्च बलिदान दिया।#भारतीयथलसेना शोकाकुल परिवार के प्रति अपनी गहरी संवेदना प्रकट करती है… https://t.co/7na7q6ouLO
— ADG PI – INDIAN ARMY (@adgpi) August 12, 2025
ଭାରତୀୟ ସେନା ସୋସିଆଲ ମିଡିଆ ପ୍ଲାଟଫର୍ମ X ରେ ସୂଚନା ଦେଇଥିଲେ, “ଜେନେରାଲ ଉପେନ୍ଦ୍ର ଦ୍ୱିବେଦୀ, COAS ଏବଂ ଭାରତୀୟ ସେନାର ସମସ୍ତ ପଦାଧିକାରୀ ସିପାହୀ ବାନୋଟ ଅନିଲ କୁମାରଙ୍କ ସର୍ବୋଚ୍ଚ ବଳିଦାନକୁ ସଲାମ କରୁଛନ୍ତି, ଯିଏ ଜମ୍ମୁ ଏବଂ କାଶ୍ମୀରର ବାରମୁଲ୍ଲାରେ ଡ୍ୟୁଟି ସମୟରେ ପ୍ରାଣ ହରାଇଥିଲେ।ଭାରତୀୟ ସେନା ଗଭୀର ସମବେଦନା ପ୍ରକାଶ କରୁଛି ଏବଂ ଶୋକସନ୍ତପ୍ତ ପରିବାର ସହିତ ଠିଆ ହୋଇଛି।
ପ୍ରତିରକ୍ଷା ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଉରି ସେକ୍ଟର ରଣନୈତିକ ଭାବରେ ଗୁରୁତ୍ୱପୂର୍ଣ୍ଣ କାରଣ ଏହା ଶ୍ରୀନଗରରୁ ପ୍ରାୟ ଶହେ କିଲୋମିଟର ଦୂରରେ ଅବସ୍ଥିତ ଏବଂ ଆତଙ୍କବାଦୀଙ୍କ ପାଇଁ ଏକ ପ୍ରମୁଖ ଅନୁପ୍ରବେଶ ପଥ ଭାବରେ ବିବେଚନା କରାଯାଏ।
Comments are closed.