ଇସଲାମବାଦ: ମୁମ୍ବାଇ ୨୬/୧୧ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ହାଫିଜ ସଏଦକୁ ପାକିସ୍ତାନରେ ୧୦ ବର୍ଷର ଜେଲ ଏବଂ ୧.୧ ଲକ୍ଷ ଟଙ୍କା ଜରିମାନା ଦଣ୍ଡାଦେଶ ଦିଆଯାଇଛି । ପଞ୍ଜାବର ଏକ କୋର୍ଟରେ ଟେରର ଫଣ୍ଡିଂ ଏବଂ ଅନ୍ୟ ୨ ମାମାଲାର ଶୁଣାଣୀ କରି ଏହି ଦଣ୍ଡ ଦେଇଛନ୍ତି । ମୁମ୍ବାଇ ଆକ୍ରମଣରେ ୧୬୬ ଲୋକଙ୍କ ଜୀବନ ଯାଇଥିବା ବେଳେ ସାରା ବିଶ୍ୱରେ ଚହଳ ପକାଇ ଦେଇଥିଲା ।
ସ୍ଥାନୀୟ କୋର୍ଟ ହାଫିଜଙ୍କ ସମ୍ପତି ଜବତ କରିବା ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି । ତାଙ୍କର ଦୁଇ ସାଥୀ ଜାଫର ଇକବାଲ ଓ ୟାହାୟା ମୁଜାହିଦଙ୍କୁ ମଧ୍ୟ ୧୦ ବର୍ଷ ୬ ମାସ ଜେଲ ଦଣ୍ଡ ଦିଆଯାଇଛି । କାଉଂଟର ଟେରରିଜମ ବିଭାଗ ଜମାତ ଉ ଦାବା ବିପକ୍ଷରେ ୪୧ କେସ ରୁଜୁ କରାଯାଇଛି । ପୂର୍ବରୁ ଫେବୃୟାରୀରେ ହାଫିଜଙ୍କୁ ୧୧ ବର୍ଷ ଜେଲ ଦଣ୍ଡ ଦିଆଯାଇଥିଲା ।
Comments are closed.