ମୁମ୍ବାଇ: ଅଭିନେତା ପଙ୍କଜ ତ୍ରିପାଠୀ ଶନିବାର ଫିଲ୍ମ ‘ମେଁ ଅଟଲ୍ ହୁଁ’ର ଅନ୍ତିମ କାର୍ଯ୍ୟସୂଚୀ ଶେଷ କରିବାକୁ ଘୋଷଣା କରିଛନ୍ତି। ଜାତୀୟ ପୁରସ୍କାର ପ୍ରାପ୍ତ ନିର୍ଦ୍ଦେଶକ ରବି ଯାଦବଙ୍କ ଦ୍ୱାରା ନିର୍ଦ୍ଦେଶିତ ‘ମେଁ ଅଟଲ୍ ହୁଁ’ ଫିଲ୍ମରେ ପଙ୍କଜ ତ୍ରିପାଠୀ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଭୂମିକାରେ ଅଭିନୟ କରିଛନ୍ତି।
ଲକ୍ଷ୍ନୌର ସୁଟିଂ କାର୍ଯ୍ୟସୂଚୀ ସମୟରେ ଫିଲ୍ମର ନିର୍ମାତା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟି ଫିଲ୍ମ ବିଷୟରେ ବିସ୍ତୃତ ଭାବରେ ଆଲୋଚନା କରିଥିଲେ। ଏହି ଫିଲ୍ମ ଶନିବାର ମୁମ୍ବାଇରେ ଏହାର ଅନ୍ତିମ କାର୍ଯ୍ୟସୂଚୀ ସମାପ୍ତ କରିଛି। ୪୫ ଦିନ ମଧ୍ୟରେ ମୁମ୍ବାଇ, ଦିଲ୍ଲୀ, କାନପୁର ଏବଂ ଲକ୍ଷ୍ନୌର ଏକାଧିକ ସ୍ଥାନରେ ସୁଟିଂ ହୋଇଥିବା ଏହି ଚଳଚ୍ଚିତ୍ର ଅଟଳ ବିହାରୀ ବାଜପେୟୀଙ୍କ ପିଲାଦିନ ତଥା ଅସାଧାରଣ ରାଜନୈତିକ ଯାତ୍ରାକୁ ନେଇ ନିର୍ମିତ। ଏହି ଫିଲ୍ମଟି ଦର୍ଶକଙ୍କୁ ଆକର୍ଷିତ କରିବ।
ପଙ୍କଜ ତ୍ରିପାଠୀ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ଫିଲ୍ମର ସୁଟିଂରୁ ଏକ ବିଟିଏସ୍ କ୍ଲିପ୍ ଏବଂ ଅଟଳ ବିହାରୀ ବାଜପେୟୀଙ୍କ ଭଳି ବ୍ୟକ୍ତିତ୍ୱର ଝଲକ ଦେଖିବାକୁ ମିଳିବ। ସେ ହିନ୍ଦୀରେ ଏହି ପୋଷ୍ଟର କ୍ୟାପସନ୍ ଦେଇଛନ୍ତି, “ଇସ୍ ଅଟଲ୍ ୟାତ୍ରା କୋ ହମେସା ୟାଦ୍ କିୟା ଯାଏଗା ଔର ସଞ୍ଜୋୟା ଯାଏଗା। ମୁଁ ବଡ ପରଦାରେ ଅଟଳ ବିହାରୀ ବାଜପେୟୀ ଜୀଙ୍କ ଚମତ୍କାର ବ୍ୟକ୍ତିତ୍ୱର ଚିତ୍ରଣ କରି ମୁଁ ନିଜକୁ ଭାଗ୍ୟବାନ ମନେ କରୁଛି।”
ଚଳଚ୍ଚିତ୍ର ନିର୍ମାତା ରବି ପଙ୍କଜ ତ୍ରିପାଠୀଙ୍କ ଏହି ପୋଷ୍ଟରେ ମନ୍ତବ୍ୟ ଦେଇ କହିଛନ୍ତି, ସେହି ଦିନ ଚମତ୍କାର ଦିନ ଥିଲା ଏବଂ ଅଦ୍ଭୁତ ସ୍ମୃତି ଥିଲା। ଆପଣଙ୍କ ସହିତ କାମ କରି ସର୍ବଦା ଆନନ୍ଦଦାୟକ ଅଟେ ପଙ୍କଜ ତ୍ରିପାଠୀ ଜୀ। ଭାନୁଶାଲି ଷ୍ଟୁଡିଓ ଲିମିଟେଡ୍ ଏବଂ ଲିଜେଣ୍ଡ ଷ୍ଟୁଡିଓ ପ୍ରଡକ୍ସନ୍ ‘ମେଁ ଅଟଲ୍ ହୁଁ’ ବିନୋଦ ଭାନୁଶାଲି, ସନ୍ଦୀପ ସିଂ, ସ୍ୟାମ୍ ଖାନ୍ ଏବଂ କମଲେଶ ଭାନୁଶାଲିଙ୍କ ଦ୍ୱାରା ନିର୍ମିତ। ଏହାକୁ ଋଷି ବିରମାନୀ ଏବଂ ରବି ଯାଦବ ଲେଖିଛନ୍ତି।
ଅଭିନେତା ପଙ୍କଜ ତ୍ରିପାଠୀ ତାଙ୍କର ଉତ୍କୃଷ୍ଟ ଅଭିନୟ ପାଇଁ ବେଶ୍ ଜଣାଶୁଣା । ସେ ଯେ କୌଣସି ବି ଅଭିନୟ କରନ୍ତି ସେଥିରେ ଜୀବନ୍ତ ଅଭିନୟ କରନ୍ତି। ବଲିଉଡ ହେଉ କିମ୍ବା ଓଟିଟି, ଯେତେବେଳେ ଶ୍ରେଷ୍ଠ ଅଭିନେତା ଆସନ୍ତି, ପଙ୍କଜ ତ୍ରିପାଠୀ ତାଲିକାର ଶୀର୍ଷରେ ଅଛନ୍ତି। ଯେତେବେଳେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଜୀବନୀ ଉପରେ ଏକ ଚଳଚ୍ଚିତ୍ର ନିର୍ମାଣ କରିବା କଥା ସାମ୍ନାକୁ ଆସିଲା ସେତେବେଳେ ଚଳଚ୍ଚିତ୍ର ନିର୍ମାତାଙ୍କ ମନକୁ ଏକମାତ୍ର ନାମ ପଙ୍କଜ ତ୍ରିପାଠୀଙ୍କ ନାଁ ଆସିଥିଲା। କୁହାଯାଉଛି ଏହି ଚଳଚ୍ଚିତ୍ରର କାହାଣୀ ‘ଦ ଅନଟୋଲ୍ଡ ବାଜପେୟୀ: ପଲିଟିସିଆନ ଏବଂ ପାରାଡୋକ୍ସ’ ପୁସ୍ତକ ଉପରେ ଆଧାରିତ।
Comments are closed.