ମୁମ୍ବାଇ: ନାନା ବିରୋଧ ପ୍ରତିବନ୍ଧକ ସତ୍ତ୍ୱେ ଗତକାଲି ସାରା ଦେଶର ରିଲିଜ୍ ହୋଇଛି ଶାହରୁଖ ଖାନ୍ଙ୍କ ଫିଲ୍ମ ପଠାନ। ଫିଲ୍ମକୁ ନେଇ ସିନେ କ୍ରିଟିକ୍ଙ୍କର ମିଶ୍ର ପ୍ରତିକ୍ରିୟା ମିଳିଥିବା ବେଳେ ଇଣ୍ଟର୍ନେଟ୍ କିନ୍ତୁ ଟ୍ରେଣ୍ଡ ହେଉଛି କିଂ ଇଜ୍ ବ୍ୟାକ୍ ହ୍ୟାସ୍ ଟ୍ୟାଗ୍। ଦୀର୍ଘ ୪ ବର୍ଷ ପରେ ବଡ଼ ପରଦାକୁ ଫେରଇଛନ୍ତି ବଲିଉଡ୍ ବାଦଶାହ ଶାହରୁଖ ଖାନ୍।
ଦୀର୍ଘଦିନ ଧରି ହିନ୍ଦୀ ସିନେମା ବକ୍ସ ଅଫିସ୍ରେ ଫେଲ୍ ମାରୁଥିବା ବେଳେ ପଠାନ ଜବରଦସ୍ତ କମ୍ବ୍ୟାକ୍ କରିଛି। ପ୍ରଥମ ଦିନରେ ହିଁ ଏହି ଫିଲ୍ମ ରେକର୍ଡ ଆୟ କରିଛି। ବକ୍ସ ଅଫିସ୍ର ରିପୋର୍ଟ ଅନୁସାରେ, ବୁଧବାର ଗୋଟିଏ ଦିନରେ ଫିଲ୍ମ କଲେକ୍ସନ ପାଖାପାଖି ୫୧ କୋଟି ହୋଇଛି। ବୁଧବାର ଛୁଟିଦିନ ନ ହୋଇ ବି ଏତେ ମାତ୍ରାରେ ଟଙ୍କା ଆୟ କରିବ ହିନ୍ଦୀ ସିନେମା ପାଇଁ ଶୁଭ ସଂକେତ ବୋଲି ବକ୍ସ ଅଫିସ୍ ଅଫ୍ ଇଣ୍ଡିଆ କହିଛି।
ବକ୍ସ ଅଫିସ କହିଛି “ରିଲିଜ୍ ପ୍ରଥମ ଦିନରେ ରେକର୍ଡକାରୀ ଆୟ କରିଥିବା ସିନେମା ୱାର୍(ରିଲିଜ୍ ୨୦୧୯, ଆୟ ୫୦ କୋଟି) ଓ କେଜିଏଫ୍-୨(ହିନ୍ଦୀ ୨୦୨୨, ଆୟ ୫୨ କୋଟି)ଙ୍କ ଭଳି ପଠାନ ମଧ୍ୟ ଟପ୍ ଓପନର୍ସ ତାଲିକାରେ ରହିଛି।” ତେବେ ବିଦେଶରେ ମଧ୍ୟ ଫିଲ୍ମଟି ଭଲ ଆୟ କରିଛି। ଫଳରୋ ଫିଲ୍ମର ମୋଟ ଆୟ ଦିନକରେ ୭୦-୮୦ କୋଟି ରହିଛି ବୋଲି ବକ୍ସ ଅଫିସ୍ କହିଛି। ତେବେ ଅନ୍ୟ ଫିଲ୍ମଗୁଡ଼ିକ ଛୁଟିଦିନରେ ରିଲିଜ୍ ହୋଇ ରେକର୍ଡ କରିଥିବା ଥିବା ବେଳେ ପଠାନ କାର୍ଯ୍ୟ ଦିବସରେ ରିଲିଜ୍ ହୋଇ ଏତେ ଟଙ୍କା ଆୟ କରିଛି ବୋଲି ବକ୍ସ ଅଫିସ୍ ଇଣ୍ଡିଆ କହିଛି।
Comments are closed.