ନୂଆଦିଲ୍ଲୀ: କରୋନା ସଂପୂର୍ଣ୍ଣ ଭାବରେ ଲୋକଙ୍କ ବାହ୍ୟ ଦୁନିଆର ଯାତାୟାତ ଉପରେ ଏକ ବିରତି ଲଗାଇଦେଇଛି। ଲୋକମାନେ ନିଜେ ଯାଇ ବଜାରରୁ କିଛି କିଣିବା ପରିବର୍ତ୍ତେ ଅନଲାଇନ୍ ଅର୍ଡର କରିବାକୁ ଅଧିକ ପସନ୍ଦ କରୁଛନ୍ତି। ପୋଷାକ କିଣିବା, ଘରୋଇ ସାମଗ୍ରୀ କିଣିବା କିମ୍ବା ଖାଦ୍ୟ ଅର୍ଡର କରିବା ହେଉ, ଅନଲାଇନ୍ ଏବେ ସମସ୍ତଙ୍କ ପସନ୍ଦଯୋଗ୍ୟ ମାଧ୍ୟମ ହୋଇପାରିଛି। କିନ୍ତୁ ଅନେକ ସମୟରେ ଏହି ପଦ୍ଧତି ଆପଣଙ୍କୁ ଅସୁବିଧାରେ ମଧ୍ୟ ପକାଇଥାଏ। ତେବେ ଏଭଳି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି ଫିଲିପାଇନ୍ସରେ। ଏଠାରେ ଜଣେ ଝିଅଟିର ଡେଲିଭରି ଯୋଗାଇବା ପାଇଁ ଏକାସାଙ୍ଗେ ୪୨ ଟି ଡେଲିଭରି ବଏ୍ ତାଙ୍କ ଘରେ ପହଞ୍ଚିଥିଲେ। ତେବେ ଏଭଳି ଏକ ଅଘଟଣ ଆପ୍ର ବୈଷୟିକ ତ୍ରୁଟି ଯୋଗୁଁ ହୋଇଥିବା ଜଣାପଡ଼ିଛି।
ଫିଲିପାଇନ୍ସର ସେବୁ ସିଟିର ଏଭଳି ଏକ ଏକ ଆଶ୍ଚର୍ଯ୍ୟଜନକ ଘଟଣା ଘଟିଥିବା ଦେଖିବାକୁ ମିଳିଛି। ଯେଉଁଠାରେ ଅନ୍ଲାଇନ୍ରେ ଖାଦ୍ୟ ଅର୍ଡର କରିଥିବା ଝିଅଟିର ଘର ସାମ୍ନାରେ ଡେଲିଭରି ବଏ୍ଙ୍କ ଭିଡ଼ ଜମିଯାଇଥିଲା। ଏହା ଦେଖିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।
ଆପର ବୈଷୟିକ ତ୍ରୁଟି ହେତୁ, ସମାନ ଦୋକାନରେ କାର୍ଯ୍ୟ କରୁଥିବା ୪୨ ଜଣ ଲୋକଙ୍କୁ ଖାଦ୍ୟ ଅର୍ଡର ବିତରଣ କରାଯାଇଥିଲା ଏବଂ ଖାଦ୍ୟ ବିତରଣ ପାଇଁ ସମସ୍ତ ଡେଲିଭରି ବଏ୍ମାନେ ସମାନ ଠିକଣାରେ ପହଞ୍ଚିଥିଲେ। ଏହି ଦୃଶ୍ୟ ଦେଖି ଝିଅଟି ନିଜେ ମଧ୍ୟ ଆଶ୍ଚର୍ଯ୍ୟ ହୋଇଗଲା। ତାଙ୍କ ବିଲଡିଂ ନିକଟରେ ରହୁଥିବା ଡେନ୍ କେନ୍ ସ୍ୱରେଜ ନାମକ ଜଣେ ବ୍ୟକ୍ତି ଏହି ଘଟଣାର ଏକ ଭିଡିଓ ପ୍ରସ୍ତୁତ କରି ଏହାକୁ ନିଜ ଫେସବୁକ୍ ପେଜରେ ସେୟାର କରିଛନ୍ତି।
କେନ୍ ସ୍ୱରେଜ କହିଛନ୍ତି ଯେ ଜଣେ ୭ ବର୍ଷର ଝିଅ ତାଙ୍କ ଜେଜେମା’ଙ୍କ ସହ ମଧ୍ୟାହ୍ନ ଭୋଜନ କରିବାକୁ ଅନଲାଇନରେ ଖାଦ୍ୟ ଅର୍ଡର କରିଥିଲା। ସେହି ସମୟରେ ତାଙ୍କ ପିତାମାତା ମଧ୍ୟ ଘରେ ନଥିଲେ।