କଳା ବା ଧୂସର ରଙ୍ଗର ହାତୀ ପ୍ରାୟ ସମସ୍ତେ ଦେଖିଥିବେ । ହେଲେ ଗୋଲାପି ରଙ୍ଗର ହାତୀ କେବେ ଦେଖିଛନ୍ତି ? ସମ୍ଭବତ ନୁହେଁ । କାରଣ ଗୋଲାପୀ ହାତୀ ବହୁତ କ୍ୱଚିତ୍ ଦେଖିବାକୁ ମିଳିଥାଏ । ବହୁ ବର୍ଷ ପୂର୍ବେ ଯେତେବେଳେ ଗୋଲାପି ରଙ୍ଗର ଏକ ଶିଶୁ ହାତୀ ଆଫ୍ରିକା ଜଙ୍ଗଲରେ ମାତ୍ର କିଛି ମିନିଟ୍ ପାଇଁ ଦେଖାଗଲା, ସେତେବେଳେ ସମଗ୍ର ବିଶ୍ୱରେ ଖୁସିର ଲହରୀ ଖେଳିଗଲା । ଜୀବବିଜ୍ଞାନୀମାନେ ଏହାକୁ ଏକ ଶୁଭ ସଙ୍କେତ ବୋଲି କହିଲେ । ସେ ନିଶ୍ଚିତ ଥିଲେ ଯେ କୌଣସି ସ୍ଥାନରେ ଗୋଲାପୀ ହାତୀ ରହିଛି ଯେଉଁଠାରୁ ଏହି ପିଲାଟି ଜନ୍ମ ହୋଇଛି । କିନ୍ତୁ ବର୍ତ୍ତମାନ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଗୋଲାପୀ ରଙ୍ଗର ଏକ ଛୋଟ ଶିଶୁ ହାତୀ ନଦୀରେ ଗାଧୋଉଥିବା ଦେଖିବାକୁ ମିଳିଛି ।
ଏହି ଭିଡ଼ିଓରେ ଦେଖିବାକୁ ମିଳିଛି ଯେ, ଏକ ଛୋଟ ଗୋଲାପୀ ହାତୀ ନଦୀ ମଧ୍ୟ ଭାଗରେ ଗାଧୋଇବାକୁ ଚେଷ୍ଟା କରୁଛି । ତାଙ୍କ ସହିତ ଅନ୍ୟ ତିନି ବଡ଼ ହାତୀ ଅଛନ୍ତି ଯେଉଁମାନେ ବୋଧହୁଏ ତାଙ୍କୁ ଶିକ୍ଷା ଦେଉଛନ୍ତି । ପ୍ରଥମେ ବଡ ହାତୀ ଗଭୀର ଜଳ ଭିତରକୁ ଯାଏ ଏବଂ ତିନିଜଣ ପଛରେ ଅନୁସରଣ କରନ୍ତି । ଗଭୀରକୁ ଯିବାବେଳେ ଗୋଲାପୀ ହାତୀ ନିଜେ ପହଁରିବାକୁ ଚେଷ୍ଟା କରୁଛି । ଏହି ଭିଡ଼ିଓରେ ଗୋଲାପୀ ହାତୀ ଦେଖି ଲୋକମାନେ ଆକର୍ଷିତ ହେଉଛନ୍ତି ।
ପ୍ରାୟ ୧୧ ବର୍ଷ ପୂର୍ବେ ଦକ୍ଷିଣ ଆଫ୍ରିକାର ବୋସ୍ତୋୱାନା ଦେଶରେ ଗୋଲାପୀ ରଙ୍ଗର ହାତୀଟି ଓକାଭାଙ୍ଗୋ ନଦୀ ନିକଟରେ ପ୍ରାୟ ୮୦ ଟି ହାତୀ ପଲ ଦେଇ ଯାଉଥିବା ଦେଖିବାକୁ ମିଳିଥିଲା । ଇକୋଲୋଜିଷ୍ଟ୍ ଡକ୍ଟର ମାଇକ୍ ଚେଜ୍ କହିଛନ୍ତି, ଗତ ୧୦ ବର୍ଷ ଧରି ଆମେ ଏହି ଅଞ୍ଚଳରେ ହାତୀ ଅଧ୍ୟୟନ କରୁଛୁ, କିନ୍ତୁ ଗୋଲାପୀ ରଙ୍ଗର ହାତୀକୁ ପ୍ରଥମ ଥର ଦେଖିବାକୁ ପାଇଲୁ । ସୂର୍ଯ୍ୟଙ୍କର ପ୍ରବଳ କିରଣ ଯୋଗୁଁ ଏହି ଶିଶୁ ହାତୀ ଚର୍ମ ସମ୍ବନ୍ଧୀୟ ରୋଗ ହେବାର ସମ୍ଭାବନା ମଧ୍ୟ ଅଛି ।
ବିଶେଷଜ୍ଞମାନେ ବିଶ୍ୱାସ କରିଥିଲେ ଯେ ଏହା ନିଶ୍ଚିତ ଭାବରେ ଆଲବିନୋ ପ୍ରଜାତିର ଏକ ହାତୀ, ଯାହା ଆଫ୍ରିକାର ଜଙ୍ଗଲରେ କ୍ୱଚିତ୍ ଦେଖିବାକୁ ମିଳେ ।
