ନୂଆଦିଲ୍ଲୀ: ଦିଲ୍ଳୀ ସରକାରଙ୍କୁ ପୁଣି ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି- । ଦିଲ୍ଳୀ ନିର୍ବାଚନକୁ ଆଉ ମାତ୍ର କିଛି ଦିନ ବାକି ରହିଥିବା ବେଳେ ସୋମବାର ପ୍ରଚାର ମଇଦାନକୁ ଓହ୍ଲାଇଛନ୍ତି ପ୍ରଧାନମନ୍ତ୍ରୀ । ଦିଲ୍ଲୀର କରକରଡୁମାଠାରେ ସେ ପ୍ରଚାର କରିଛନ୍ତି । ଏହି ଅବସରରେ ଆୟୋଜିତ ନିର୍ବାଚନୀ ସଭାକୁ ସମ୍ବୋଧିତ କରି ସେ ସିଧାସଳଖ କେଜ୍ରିୱାଲ ସରକାରଙ୍କୁ ଟାର୍ଗେଟ୍ କରିଛନ୍ତି । ବିଗତ କିଛିଦିନ ଧରି ନାଗରିକତା ସଂଶୋଧନ ଆଇନକୁ ନେଇ ଦିଲ୍ଳୀର ସିଲମପୁର, ଜାମିଆ ବା ସାହିନବାଗରେ ବିକ୍ଷୋଭ ପ୍ରଦର୍ଶନ ଚାଲିଛି । ତେବେ ଏହା କୌଣସି ସଂଯୋଗ ନୁହେଁ । ଏଗୁଡିକ ପଛରେ ଏକ ପ୍ରକାରର ଷଡଯନ୍ତ୍ର ତଥା ରାଜନୀତି ରହିଛି । ଏଗୁଡିକ ଦେଶକୁ ବଦ୍ନାମ କରିବାକୁ ପ୍ରୟାସ ଚାଲିଛି । ଏଥିରେ ଆମ୍ ଆଦ୍ମୀ ପାର୍ଟି ଓ କଂଗ୍ରେସ ରାଜନୀତି କରୁଛି ବୋଲି ମୋଦି କହିଛନ୍ତି । ନିଜର ଏହି ଭାଷଣରେ ମୋଦି ଧାରା ୩୭୦ ଉଚ୍ଛେଦ ଓ କର୍ତ୍ତାରପୁର କରିଡର ନିର୍ମାଣ ପ୍ରସଙ୍ଗ ମଧ୍ୟ ଉଠାଇଛନ୍ତି । ସେ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ, ଫେବୃଆରୀ ୧୧ ପରେ ଦିଲ୍ଲୀରେ ବିଜେପି ସରକାର ଗଢ଼ିବ ଏବଂ ବିକାଶକୁ ଗତି ମିଳିବ । ୨୦୨୨ ସୁଦ୍ଧା ଦେଶର ସବୁ ଗରିବ ପରିବାର ପାଖରେ ପକ୍କା ଘର ଥିବ । ଦିଲ୍ଳୀର ବିକାଶ ପାଇଁ ବିଜେପି ପ୍ରତିଶ୍ରୁତିବଦ୍ଧ । ଦିଲ୍ଲୀରେ ଥିବା ଅବୈଧ କଲୋନୀଗୁଡିକୁ ନିୟମିତ କରାଯାଇଛି । ସେଗୁଡିକର ବିକାଶ ପାଇଁ ଏକ ବିକାଶ ବୋର୍ଡ ପ୍ରତିଷ୍ଠା କରାଯାଇଛି । ଏଥିସହ ମୋଦି ଦିଲ୍ଳୀର ବିକାଶ ପାଇଁ କେନ୍ଦ୍ର ସରକାରଙ୍କ ପକ୍ଷରୁ କରାଯାଇଥିବା ବିକାଶମୂଳକ କାମର ଉପଲବ୍ଧି ମଧ୍ୟ ବଖାଣିଛନ୍ତି ।
BREAKING NEWS
- ଗୁଗୁଲରେ ଦଳୀୟ ପ୍ରଚାର ପାଇଁ ୧୦୦ କୋଟିରୁ ଉର୍ଦ୍ଧ୍ବ ଖର୍ଚ୍ଚ କରି ପ୍ରଥମରେ ବିଜେପି
- ତେଜସ୍ୱୀ ସୂର୍ଯ୍ୟାଙ୍କ ନାଁରେ ମାମଲା ରୁଜୁ, ଧର୍ମ ନାଁରେ ଭୋଟ୍ ମାଗୁଥିବା ଅଭିଯୋଗ
- ଜମୁଛି ନିର୍ବାଚନୀ ପ୍ରଚାର ମୈଦାନ; ଜଗତସିଂହପୁରରେ ବିରାଟ ଶୋଭାଯାତ୍ରାରେ ଆସି ପ୍ରାର୍ଥୀଙ୍କୁ ଭୋଟ୍ ଭିକ୍ଷା କଲେ ପ୍ରଶାନ୍ତ ଓ ଚିରଞ୍ଜୀବ
- ତତଲା କଡେଇରେ ସିଝୁଛି ଓଡିଶା, ୪୪.୬ ଡିଗ୍ରୀ ସହ ଅନୁଗୁଳ ସବୁଠୁ ଉତ୍ତପ୍ତ ସହର
- ବିଜେଡି ଯୁବ ଉପସଭାପତି ରାକେଶ ନାୟକଙ୍କ ସହ ପଦ୍ମ ଧରିଲେ ବହୁ ନେତା ଓ କର୍ମୀ
- ଧୋନୀ କରିବେ କି କମବ୍ୟାକ୍?
- ମିଶ୍ରଣ ପର୍ବ: ବିଜେଡି ଛାଡି ବିଜେପିରେ ମିଶିଲେ ବିଧାୟକ ପର୍ଶୁରାମ ଧଡା
- ସୋପୋରରେ ସୁରକ୍ଷାକର୍ମୀ ଓ ଆତଙ୍କବାଦୀ ମୁହାଁମୁହିଁ, ୨ ଆତଙ୍କୀ ନିପାତ
- ଚିତ୍ରକୋଣ୍ଡା ସମର : ସବୁ ଦଳଙ୍କ ନଜର
- ନବରଙ୍ଗପୁରରେ ଖୁଡି-ପୁତୁରା ଲଢେଇ