ନୂଆଦିଲ୍ଲୀ: ମୋଦୀଙ୍କ ନୂଆ ମନ୍ତ୍ରିମଣ୍ଡଳରେ ଥିବା ୭୮ ଜଣ ମନ୍ତ୍ରୀଙ୍କ ମଧ୍ୟରୁ ଅତି କମରେ ୪୨ ବିରୋଧରେ ଅପରାଧିକ ମାମଲା ରହିଛି। ଏହାସହିତ ୯୦ ପ୍ରତିଶତ ମନ୍ତ୍ରୀ କୋଟିପତି ଥିବା ଜଣାପଡ଼ିଛି। ଏ ନେଇ ଆସୋସିଏସନ ଫର ଡେମୋକ୍ରାଟିକ୍ ରିଫର୍ମସ୍ (ଏଡିଆର) ସର୍ଭେ ପକ୍ଷରୁ ପ୍ରକାଶିତ ରିପୋର୍ଟରେ ଦର୍ଶାଯାଇଛି।ରିପୋର୍ଟରେ ଦର୍ଶାଯାଇଛି ଯେ ଏହି ମନ୍ତ୍ରୀମାନଙ୍କ ମଧ୍ୟରୁ ଚାରିଜଣଙ୍କର ହତ୍ୟା ଉଦ୍ୟମ ସହ ଜଡିତ ମାମଲା ରହିଛି।
ନୂଆ ମନ୍ତ୍ରୀମଣ୍ଡଳ ଚୟନ ପରେ ଏହି ସପ୍ତାହ ଆରମ୍ଭରେ ଶପଥ ଗ୍ରହଣ ସମାରୋହର ହୋଇଥିଲା। ମୋଟ ୧୫ ଜଣ ମନ୍ତ୍ରୀଙ୍କୁ କ୍ୟାବିନେଟରେ ଅନ୍ତର୍ଭୁକ୍ତ କରାଯାଇଥିବାବେଳେ ୨୮ ଜଣ ଆଇନଜୀବୀଙ୍କୁ କେନ୍ଦ୍ର ରାଜ୍ୟ ମନ୍ତ୍ରୀ ପଦ ପ୍ରଦାନ କରାଯାଇଛି। ଏହିପରି, ପ୍ରଧାନମନ୍ତ୍ରୀଙ୍କ ମନ୍ତ୍ରୀ ପରିଷଦର ମୋଟ ସଦସ୍ୟଙ୍କ ସଂଖ୍ୟା ବର୍ତ୍ତମାନ ୭୮ ରେ ପହଞ୍ଚିଛି।