ଭୁବନେଶ୍ୱର: କମିଶନରେଟ୍ ପୋଲିସକୁ ମିଳିଛି ବଡ ସଫଳତା । ଆଜି ରାଜଧାନୀର ବିଭିନ୍ନ ଅଚଂଳରୁ ବାଇକ୍ ଓ ସୁନା ଚେନ୍ ଲୁଟ୍ କରୁଥିବା ବଡ ଧରଣର ଲୁଟେରା ଗ୍ୟାଙ୍ଗକୁ ଧରିଛି ପୋଲିସ । ଏହି ଘଟଣାରେ ପୋଲିସ ଜଣେ ଗ୍ରାହକଙ୍କ ସମେତ ୮ ଜଣଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତମାନେ ହେଲେ ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଯଦୁପୁର ଗାଁର ଗୋଲଡେନ ଅବିଦ, ନୟାପଲ୍ଲୀ ଥାନା ଅଧୀନ ସାଲିଆ ସାହିରରେ ରହୁଥିବା ଗଂଜାମ ଜିଲ୍ଲାର ଧଳପୁର ଗାଁର ରାଜା ଜିତେନ୍ଦ୍ର ପ୍ରଧାନ, ଗଂଜାମ ଜିଲ୍ଲା ଛତ୍ରପୁର ଥାନା ଅନ୍ତର୍ଗତ ଅନ୍ଧାରୁଆ ଗାଁର ରାବଣ ବିଶ୍ୱଜିତ ଦାସ, ମୟୂରଭଂଜ ଜିଲ୍ଲା ଯଶୀପୁର ଥାନା ଅନ୍ତର୍ଗତ ସିରୋକୋଲି ଗାଁର କାଶୀନାଥ ପାତ୍ର ଓରଫ କାଶୀଆ , ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଭୁଷଣ୍ଡପୁର ଗାଁର ଅଜୟ କୁମାର ମଣ୍ଡଳ , ଭୁଷଣ୍ଡପୁର ଗାଁର ଅନ୍ୟ ଏକ ଯୁବକ ସଂଜୟ ଦାସ , ବିହାର ରାଜ୍ୟର ମୁଙ୍ଗେର ଥାନା ଅଧିନ ସୁରଜଗଢ଼ା ଗାଁର ଚିଣ୍ଟୁ ଧର୍ମେନ୍ଦ୍ର କୁମାର ଓ ଗଂଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ପଙ୍କଲବାଡି ଗାଁର ମିଥୁନ ସମୁଦ୍ର । ମିଥୁନ ସାଲିଆ ସାହିରେ ରହୁଥିଲେ ଏବଂ ଲୁଟେରାଙ୍କ ଠାରୁ ଜିନିଷ କିଣିଥଲେ । ଅନ୍ୟ ଅଭିଯୁକ୍ତମାନେ ବିଭିନ୍ନ ସ୍ଥାନରୁ ଆସି, ଭୁବନେଶ୍ୱରର ନୟାପଲ୍ଲୀ ଓ ଲକ୍ଷ୍ମୀସାଗରରେ ରହୁଥିଲେ ।
ଲୁଟେରାମାନଙ୍କର ଠାରୁ ୫ଟି ବାଇକ, ୮ଟି ସୁନାଚେନ ଯାହାର ଓଜନ ୪୫ ଗ୍ରାମ ଏବଂ ଆନୁମାନିକ ମୂଲ୍ୟ ୩ଲକ୍ଷ ଟଙ୍କା ହେବ । ଏଥିସହ ୨୬ଟି ମୋବାଇଲ ଜବତ ହୋଇଛି । ଲୁଟେରାମାନେ ଖଣ୍ଡଗିରି, ନୂଆପଲ୍ଲୀ ଓ ସହିଦନଗର ଅଂଚଳରେ ସୁଯୋଗ ଦେଖି ଲୁଟ କରୁଥିଲେ । ଲୁଟ ଓ ଛିନତାଇ ସମୟରେ ବିଭିନ୍ନ ବାଇକ ବ୍ୟବହାର କରୁଥିଲେ । ଅଭିଯୁକ୍ତଙ୍କ ନାଁରେ ନୟାପଲ୍ଲୀ, ଖଣ୍ଡଗିରି ଓ କ୍ୟାପିଟାଲ ଥାନରେ ମାମଲା ରୁଜୁ ହୋଇଥିଲା । ଲୁଟେରାମାନଙ୍କୁ ଧରିବା ପାଇଁ ନୟାପଲ୍ଲୀ ଥାନା ପୁଲିସ ଦ୍ୱାରା ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଥିଲା ।