ଭଦ୍ରକ: ଏବେ ବି ରାଜ୍ୟରେ ବେଧଡକ ଚାଲିଛି ଗୋରୁ ଚାଲାଣ। ଭଦ୍ରକ ଡାହାଣୀ ଗଢ଼ିଆ ଠାରେ ଗୋରୁ ବୋଝେଇ ଗାଡ଼ି ଉପରେ ଚଢାଉ କଲା ପୋଲିସ। ଫଳରେ ଗୋରୁ ବୋଝେଇ ଗାଡ଼ି ଜବତ କଲା ପୋଲିସ। ଘଟଣାସ୍ଥଳରୁ ଡ୍ରାଇଭର ଫେରାର।
ସୂଚନା ଅନୁସାରେ ତିହିଡିରୁ ଗୋରୁ ବୋଝେଇ କରି ଏକ ଗାଡ଼ି ରାତିରେ ଆସୁଥିବା ନେଇ ପୋଲିସକୁ ସୂଚନା ମିଳିଥିଲା। ସୂଚନା ପାଇ ପୁରୁଣା ବଜାର ଓ ସହରାଞ୍ଚଳ ପୋଲିସ କେତେକ ସ୍ଥାନରେ ଲୁଚି ରହିଥିଲା। ଗୋରୁ ଗାଡି ପୁରୁଣା ଥାନା ଅଞ୍ଚଳରେ ପହଞ୍ଚିବା ପରେ ଗାଡ଼ିକୁ ଅଟକାଇବାକୁ ଚେଷ୍ଟା କରି ପୋଲିସ ବିଫଳ ହେଲା। ପରେ ଗୋରୁ ଗାଡ଼ିକୁ
ଗୋଡେଇ ଗୋଡେଇ ଧରିଲା ଟାଉନ ଥାନା ଓ ପୁରୁଣା ବଜାର ଥାନା ପୋଲିସ । ଶେଷରେ ଗାଡ଼ିକୁ ଷ୍ଟାର୍ଟରେ ରଖି ଗାଡ଼ି ଛାଡି ଫେରାର ହେଲା ଡ୍ରାଇଭର।
ପରେ ଭଦ୍ରକ ଏସପି ମାଡକର୍ ସନ୍ଦୀପ ଘଟଣାସ୍ଥଳରେ ପହଞ୍ଚିଥିଲେ। ଏହି ଗାଡ଼ିରେ ୧୩ଟି ଗୋରୁ ଚାଲାଣ ହେଉଥିବା ନେଇ ଏସପି ଦେଖିବାକୁ ପାଇଥିଲେ। ପରେ ପୋଲିସ ଗୋରୁ ଗାଡ଼ିକୁ ଜବତ କରି ଟାଉନ ଥାନାରେ ଅଟକ ରଖିଥିବା ବେଳେ ଗୋରୁଙ୍କୁ ଗୋଶାଳାରେ ଛାଡ଼ିଥିବା ଆଇଆଇସି କହିଛନ୍ତି।