ମଧ୍ୟପ୍ରଦେଶ: କ୍ଷୀରରେ ମିଶୁଛି ସାମ୍ପୁ । କେବଳ ସେତିକି ନୁହେଁ ସ୍ପିରିଟ୍ରେ ତିଆରି ହେଉଛି କ୍ଷୀର । ଏଭଳି ଏକ ସାଂଘାତିକ ସତ ସାମ୍ନାକୁ ଆସିଛି ମଧ୍ୟପ୍ରଦେଶର ଭିଣ୍ଡ ଜିଲ୍ଲାରୁ । ଏଠାରେ ନକଲି କ୍ଷୀର ତିଆରି କରାଯାଉଥିବା ନେଇ ପୋଲିସ ଚଢ଼ାଉ ବେଳେ ଜଣାପଡିଛି ।
ମଧ୍ୟପ୍ରଦେଶର ଭିଣ୍ଡ ଜିଲ୍ଲା ପୁପ କସ୍ବେ ଅଚଂଳର ରାମନଗର ଠାରେ ଏକ ନକଲି କ୍ଷୀର ଡାଏରୀ ଚଳାଉଥିବା ନେଇ ଖବର ପାଇ ପୋଲିସ ଏବଂ ଜିଲ୍ଲା ପ୍ରଶାସନ ମିଳିତ ଚଢ଼ାଉ କରିଥିଲା । ଏଠି ଦିନ ଦ୍ୱିପହରେ ଚାଲିଥିଲା ବେଧଡକ ଅପମିଶ୍ରଣ । କ୍ଷୀରରେ ଡିଟରଜେଣ୍ଟ, ୟୁରିଆ, ହାଇଡ୍ରୋଜେନ୍, ଲୁବ୍ରିକେଂଟ, କ୍ରିପ୍ଟୋ ଅଏଲ ଭଳି ଅନେକ ରାସାୟନିକ ପଦାର୍ଥକୁ ଖୁଲମଖୁଲା ଅପମିଶ୍ରଣ କରାଯାଉଥିବା ନେଇ ଚଢ଼ାଉ ବେଳେ ଜଣାପଡିଥିଲା । ଏହାକୁ ଦେଖି ସମସ୍ତେ ଚକିତ ହୋଇପଡିଥିଲେ ।
ଚଢ଼ାଉ ବେଳେ ପୋଲିସ ୩ଶହ ଲିଟର କେମିକାଲ ଓ ବିଭିନ୍ନ ପ୍ରକାରର ଶୁଖିଲା ପାଉଡର ଓ ଅନେକ କେମିକାଲ ଯୁକ୍ତ ସାମଗ୍ରୀ ଜବତ ହୋଇଛି । କେବଳ ସେତିକି ନୁହେଁ ହସ୍ପିଟାଲରେ କ୍ଷତ ଚିହ୍ନକୁ ସଫା କରିବା ପାଇଁ ଯେଉଁ କେମିକାଲ ବ୍ୟବହାର କରାଯାଏ ତାହା ମଧ୍ୟ ମିଳିଥିବା ଜଣାପଡିଛି । ଏହି ଘଟଣା ଏବେ ସାରା ଦେଶକୁ ଆଶ୍ଚର୍ଯ୍ୟ କରି ଦେଇଛି ।
Comments are closed.