ଚେନ୍ନାଇ: ତାମିଲନାଡୁ ପୋଲିସର ନିଆରା ଉଦ୍ୟମ । ଲୋକଙ୍କୁ ଘରୁ ନବାହାରିବା ପାଇଁ ଅଭିନବ ଢ଼ଙ୍ଗରେ କଲେ ସଚେତନ । କରୋନା ଭାଇରସ ଭଳି ଦେଖାଯାଉଥିବା ହେଲମେଟ ପିନ୍ଧି ଲୋକଙ୍କୁ ଘରୁ ନବହାରିବା ପାଇଁ କହୁଛନ୍ତି ପୋଲିସ । ଏଭଳି ନିଆରା ଦୃଶ୍ୟ ଦେଖିବାକୁ ମିଳିଛି ତାମିଲନାଡୁର ସଡକରେ ।
ତାମିଲନାଡୁର କେତେକ ପୋଲିସ ଲକ ଡାଉନ ବେଳେ ଲୋକଙ୍କୁ ଘରେ ରଖିବା ପାଇଁ ଏଭଳି ଅଭିନବ ଉପାୟ ବାହାର କରିଛନ୍ତି । କରୋନା ଭାଇରସ ଭଳି ଦେଖାଯାଉଥିବା ହେଲମେଟ ତିଆରି କରି ନିଜେ ପିନ୍ଧିବା ସହ ଲୋକଙ୍କ ଭିତରେ ସଚେତନତା ସୃଷ୍ଟି କରିବାକୁ ଚେଷ୍ଟା କରିଛନ୍ତି । ଏଥିସହ ଘରେ ରହିବା ପାଇଁ ଲୋକଙ୍କୁ ପୋଲିସ ଅନୁରୋଧ କରିଛି ।
ଦିନକୁ ଦିନ ଦେଶରେ କରୋନା ଭାଇରସ ସଂକ୍ରମଣ ସଂଖ୍ୟା ବଢ଼ିବାରେ ଲାଗିଛି । ଏଭଳି ସ୍ଥିତିରେ ପ୍ରଧାନମନ୍ତ୍ରୀ ମୋଦୀ ସାରା ଦେଶକୁ ୨୧ ଦିନ ପାଇଁ ଲକ୍ ଡାଉନ୍ ଘୋଷଣା କରିଛନ୍ତି । ଏଥିସହ ସେ ଲୋକଙ୍କୁ ଅତି ଆବଶ୍ୟକ ନଥିଲେ ଘରୁ ନ ବାହାରିବା ପାଇଁ ଅନୁରୋଧ କରିଛନ୍ତି । ତେବେ ଅନେକ ଲୋକ ଏହାକୁ ନମାନି ଏବେବି ସଡକ ଉପରେ ଏଣେ ତେଣୁ ବୁଲୁଥିବା ଦେଖିବାକୁ ମିଳିଛି ।
Comments are closed.