ନୂଆଦିଲ୍ଲୀ: ଆଜି ବଲିଉଡ୍ ଅଭିନେତ୍ରୀ ପ୍ରୀତି ଜିଣ୍ଟାଙ୍କ ଜନ୍ମଦିନ। ପ୍ରୀତି ଜିଣ୍ଟା ଆଜି ତାଙ୍କର ୪୬ ତମ ଜନ୍ମଦିନ ପାଳନ କରୁଛନ୍ତି। ପ୍ରୀତି ଜିଣ୍ଟା ଚଳଚ୍ଚିତ୍ରରେ ତାଙ୍କର ଦମ୍ଦାର୍ ଭୂମିକା ପାଇଁ ଜଣାଶୁଣା। ଏହା ବ୍ୟତୀତ ସେ ସାହସୀ ମଧ୍ୟ । ସେ ଅନେକ ସୁପରହିଟ୍ ଚଳଚ୍ଚିତ୍ର ଦେଇଛନ୍ତି। ଏହା ବ୍ୟତୀତ ସେ ଅନେକ ପୁରସ୍କାର ମଧ୍ୟ ଜିତିଛନ୍ତି।
ସଲମାନ ଖାନ ଏବଂ ରାନୀ ମୁଖାର୍ଜୀଙ୍କ ଅଭିନୀତ ଚଳଚ୍ଚିତ୍ର ‘ଚୋରୀ-ଚୋରୀ, ଚୁପକେ-ଚୁପକେ’ରେ ପ୍ରୀତି ଜିଣ୍ଟା ନଜର ଆସିଥିଲେ। ସୂଚନା ମୁତାବକ ଏହି ଫିଲ୍ମରେ ଅଣ୍ଡରୱାଲର୍ଡ ଡନ୍ ଛୋଟା ଶକୀଲ୍ର ଟଙ୍କା ବ୍ୟବହୃତ ହୋଇଥିଲା। କିନ୍ତୁ କାଗଜରେ ଭରତ ଶାହାଙ୍କ ଟଙ୍କା ବ୍ୟବହାର କରାଯାଇଥିବା ଖବର ସାମ୍ନାକୁ ଆସିଥିଲା। ପୋଲିସ ଏହାର ଅନୁସନ୍ଧାନ କରିବା ବେଳେ ପୋଲିସ ଫିଲ୍ମର ପ୍ରିଣ୍ଟକୁ ସିଲ୍ କରିଥିଲା। ଏହି ଚଳଚ୍ଚିତ୍ରର ନିର୍ଦ୍ଦେଶନା ଅବ୍ବାସ-ମୁସ୍ତାନ ଦେଇଥିଲେ।
ଏହି ସମୟ ମଧ୍ୟରେ ଶାହରୁଖ ଖାନ, ସଲମାନ ଖାନ ଏବଂ ରାନୀ ମୁଖାର୍ଜୀଙ୍କୁ ମଧ୍ୟ ଅଣ୍ଡରୱାର୍ଲଡ ପକ୍ଷରୁ ଧମକ ଦିଆଯାଉଥିଲା। କୋର୍ଟରେ ସାକ୍ଷ୍ୟ ଦେବାକୁ ଆସିଥିବା ପ୍ରୀତି ଜିଣ୍ଟା କାହାକୁ ଭୟ ନ କରି କୋର୍ଟରେ ସ୍ବୀକାର କରିଥିଲେ ଯେ ସେ ଅଣ୍ଡରୱାର୍ଲଡ୍ରୁ ଧମକପୂର୍ଣ୍ଣ କଲ୍ ଗ୍ରହଣ କରୁଛନ୍ତି ଏବଂ ଟଙ୍କା ମଧ୍ୟ ଦାବି କରାଯାଉଛି। ଏହି ମାମଲା ଅଣ୍ଡରୱାର୍ଲ୍ଡ ସହିତ ସଂଯୁକ୍ତ ଥିବାରୁ ପ୍ରୀତି ଜିଣ୍ଟାଙ୍କ ବିବୃତ୍ତି କ୍ୟାମେରାରେ ରେକର୍ଡ କରାଯାଇଥିଲା।
ପ୍ରୀତି ଜିଣ୍ଟାଙ୍କ ବିବୃତ୍ତି ଅନୁଯାୟୀ ଭରତ ଶାହାଙ୍କୁ ଗିରଫ କରାଯାଇଥିଲା ଏବଂ ନିର୍ମାତା ନାଜିମ ରିଜଭି ଏହି ମାମଲାରେ ଦୋଷୀ ସାବ୍ୟସ୍ତ ହୋଇଥିଲେ। ଅଭିନେତ୍ରୀ ପ୍ରୀତି ଜିଣ୍ଟାଙ୍କ ସାହସିକତା ଦ୍ୱାରା ଫିଲ୍ମ ଇଣ୍ଡଷ୍ଟ୍ରି କମ୍ପିତ ହୋଇଥିଲା। ତାଙ୍କର ଏହି ପଦକ୍ଷେପ ଅନେକଙ୍କ ଦ୍ୱାରା ପ୍ରଶଂସିତ ହୋଇଥିଲା।