ଶପଥ ଗ୍ରହଣ ପୂର୍ବରୁ ବାଇଡେନ୍ଙ୍କ ବଡ଼ ଘୋଷଣା; ଦେଶବାସୀଙ୍କୁ ମହାମାରୀରୁ ମୁକ୍ତି ଦେବା ପାଇଁ ଏଭଳି ପଦକ୍ଷେପ ନେଲେ ବାଇଡେନ୍
ୱାଶିଂଟନ୍: ଆମେରିକାରେ କରୋନା ମହାମାରୀ ସର୍ବାଧିକ ପ୍ରଭାବ ଦେଖିବାକୁ ମିଳିଛି। ଏହି ସମୟରେ ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନ କରୋନା ଟିକାକୁ ନେଇ ବଡ଼ ଘୋଷଣା କରିଛନ୍ତି। ଆମେରିକାର ନିର୍ବାଚିତ ରାଷ୍ଟ୍ରପତି ଜୋ ବାଇଡେନ ଶପଥ ଗ୍ରହଣ ପୂର୍ବରୁ କରୋନା ମହାମାରୀରୁ ମୁକ୍ତି ପାଇଁ ୧.୯ ଟ୍ରିଲିୟନ ଡଲାର ପ୍ୟାକେଜ ଘୋଷଣା କରିଛନ୍ତି। ବାଇଡେନ ଏହି ପ୍ରସ୍ତାବକୁ ‘ଆମେରିକୀୟ ରେସ୍କ୍ୟୁ ପ୍ଲାନ୍’ ବୋଲି କହିଛନ୍ତି। ଏହି ରିଲିଫ୍ ପ୍ୟାକେଜ୍ କରୋନା ମହାମାରୀ ସଙ୍କଟ ଦ୍ୱାରା ପ୍ରଭାବିତ ଆମେରିକୀୟ ପରିବାର ଏବଂ ବ୍ୟବସାୟକୁ ରିଲିଫ୍ ଯୋଗାଇବାକୁ ପ୍ରୟାସ ଜାରି ରଖିଛି।
ଏହି ରିଲିଫ୍ ପ୍ୟାକେଜ୍ ଅଧୀନରେ ଜୋ ବାଇଡେନ ୧.୯ ଟ୍ରିଲିୟନ ଡଲାର ପ୍ୟାକେଜ୍ ଅଧିକାଂଶ ଆମେରିକୀୟଙ୍କୁ ସିଧାସଳଖ ୧୪୦୦ ଡଲାର (ପ୍ରାୟ ୧୦୨,୨୫୮ ଟଙ୍କା) ଆର୍ଥିକ ସହାୟତା ପ୍ରଦାନ କରିବ। ଏଥିସହ ବେକାରୀ ଭତ୍ତା ସପ୍ତାହକୁ ୩୦୦ ଡଲାରରୁ ୪୦୦ ଡଲାରକୁ ବୃଦ୍ଧି କରାଯାଇଛି। ଉଲ୍ଲେଖନୀୟ କଥା ହେଉଛି, ଜୋ ବାଇଡେନ ଜାନୁଆରୀ ୨୦ ରେ ଶପଥ ଗ୍ରହଣ କରିବାକୁ ଯାଉଛନ୍ତି।
Comments are closed.