ଦେଶବାସୀଙ୍କୁ ଲୋହରୀ ପର୍ବ ଉପଲକ୍ଷେ ଶୁଭେଚ୍ଛା ଜଣାଇଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ: ଆଜି ସମଗ୍ର ଭାରତରେ ଲୋହରୀ ପର୍ବ ଅତି ଉତ୍ସାହର ସହିତ ପାଳନ କରାଯାଉଛି। ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ଅନ୍ୟ ବିଶିଷ୍ଟ ବ୍ୟକ୍ତିମାନେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ରାଷ୍ଟ୍ରପତି କୋବିନ୍ଦ ଟ୍ୱିଟ୍ କରି କହିଛନ୍ତି, ‘ମୁଁ ଲୋହରୀ , ମକର ସଙ୍କ୍ରାନ୍ତି, ପୋଙ୍ଗଲ, ଭୋଗାଲୀ ବିହୁ, ଉତ୍ତରାଖଣ୍ଡ ଏବଂ ପୁଶ୍ ଅବସରରେ ସମସ୍ତଙ୍କୁ ଅଭିନନ୍ଦନ ଜଣାଉଛି। ମୋର ଏତିକି କାମନା ଯେ ଏହି ପର୍ବଗୁଡ଼ିକ ମାଧ୍ୟମରେ ଆମ ସମାଜରେ ପ୍ରେମ, ସ୍ନେହ ଏବଂ ସୌହାର୍ଦ୍ଦ୍ୟର ବନ୍ଧନ ଦୃଢ ହୋଇପାରିବ ଏବଂ ଦେଶରେ ସମୃଦ୍ଧତା ଆସିବ। ‘

ଉପରାଷ୍ଟ୍ରପତି ଭେଙ୍କୟା ନାଇଡୁ ଟ୍ୱିଟ୍ କରି କହିଛନ୍ତି, ‘ଲୋହରୀ ଏବଂ ଭୋଗୀ ପାଇଁ ସମସ୍ତ ଦେଶବାସୀଙ୍କୁ ଶୁଭେଚ୍ଛା! ଏହାକୁ ଉତ୍ସାହ ସହିତ ପାଳନ କରାଯାଏ। ଏହି ପର୍ବଗୁଡ଼ିକ ନୂତନ ଫସଲକୁ ସ୍ୱାଗତ କରିବା ଏବଂ ପ୍ରକୃତିକୁ ଧନ୍ୟବାଦ ଦେବା ପାଇଁ ଏକ ସୁଯୋଗ। ମୁଁ ଇଚ୍ଛା କରେ ଯେ ଏହି ପର୍ବଗୁଡ଼ିକ ଆପଣଙ୍କ ଜୀବନରେ ନୂତନ ଆଶା, ଘରେ ସମୃଦ୍ଧତା ଆଣନ୍ତୁ! ‘

ଗୃହମନ୍ତ୍ରୀ ଅମିତ ଶାହା ମଧ୍ୟ ଲୋହରୀରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଟୁଇଟ୍ କରି କହିଛନ୍ତି, “ଲୋହଡୀ ଉପଲକ୍ଷେ ହାର୍ଦ୍ଦିକ ଶୁଭେଚ୍ଛା। ଏହି ପବିତ୍ର ପର୍ବ ସମସ୍ତ ଦେଶବାସୀଙ୍କ ଜୀବନରେ ସୁଖ ଏବଂ ସମୃଦ୍ଧତା ଆଣନ୍ତୁ।” ବିଜେପି ସଭାପତି ଜେପି ନାଡା ଟ୍ୱିଟ୍ କରି କହିଛନ୍ତି ଯେ ଲୋହରୀର ପବିତ୍ର ପର୍ବରେ ସମସ୍ତ ଦେଶବାସୀଙ୍କୁ ହାର୍ଦ୍ଦିକ ଶୁଭେଚ୍ଛା। ଉତ୍ସାହରେ ପରିପୂର୍ଣ୍ଣ ଏହି ପର୍ବଗୁଡ଼ିକ ସମସ୍ତଙ୍କ ଜୀବନରେ ସୁଖ, ଶାନ୍ତି, ସମୃଦ୍ଧତା ଏବଂ ପ୍ରଗତି ଆଣିଥାଏ।