ଜୟପୁର: ରାଜସ୍ଥାନ ବିଧାନସଭା ନିର୍ବାଚନୀ ପ୍ରଚାର ପାଇଁ ଉଦୟପୁରରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଠାରେ ସେ ଉଦୟପୁରରେ ଏକ ବିଶାଳ ନିର୍ବାଚନ ସମାବେଶକୁ ସମ୍ବୋଧିତ କରିଛନ୍ତି । ସାଂବଲିଆ ସେଠ, ମାତା ତ୍ରିପୁରା ସୁନ୍ଦରୀ ଓ ଏକଲିଙ୍ଗନାଥ ଜୀ ଙ୍କ ନାଁ ନେଇ ମୋଦି ଉଦୟପୁର ସାଧାରଣ ସଭାରେ କହିଛନ୍ତି ଯେ, ମୀରା ବାଇଙ୍କ ପରିଚୟ ରେ ଏହି ସ୍ଥାନକୁ ଜଣାଯାଇଥାଏ । ତାଙ୍କର ପ୍ରେମ ଏବଂ ସମର୍ପଣ ଠାରୁ ଅଧିକ ଅନ୍ୟ କୌଣସି ଉଦାହରଣ ନାହିଁ ।
ଉଦୟପୁରରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ରାଜସ୍ଥାନର ଇତିହାସ, ସଂସ୍କୃତି ଏବଂ କାହାଣୀ ମେବାଡ ବିନା ଅସମ୍ପୂର୍ଣ୍ଣ ଅଟେ । ମେବାଡର ମାଟି ଭାରତ ମାତାର କପାଳରେ ତିଲକ ସହିତ ସମାନ ଅଟେ । ଯେତେବେଳେ ବି ଏହି ମାଟିରେ କଂଗ୍ରେସର କୁଦୃଷ୍ଟି ପଡିଲା ସେବେଠାରୁ ଏହା ଗଭୀର ଆଘାତ ପାଇଛି । କଂଗ୍ରେସ ଯୁଗରେ ମାନବିକତାକୁ ନଷ୍ଟ କଲା ଭଳି ଅନେକ ଲଜ୍ଜାଜନକ ଘଟଣା ଘଟିଛି ।
ଉଦୟପୁରରେ କହ୍ନେୟାଲାଲଙ୍କ ସହ ଏକ ଆତଙ୍କବାଦୀ ଘଟଣା ଘଟିଥିଲା କାରଣ ଏଠାରେ ଆତଙ୍କବାଦୀଙ୍କ ପ୍ରତି ସହାନୁଭୂତି ଦେଖାଉଥିବା କଂଗ୍ରେସର ସରକାର ଅଛନ୍ତି । କଂଗ୍ରେସର ତୁଷ୍ଟିକରଣ ନୀତି ରାଜସ୍ଥାନର ଗୌରବକୁ ବିପଦରେ ପକାଇଛି । ଗତ ପାଞ୍ଚ ବର୍ଷ ପରି ରାଜସ୍ଥାନରେ ଏଭଳି ପରିସ୍ଥିତି କେବେ ହୋଇ ନାହିଁ । କିଏ ଭାବିଥିଲା ଯେ ରାଜସ୍ଥାନରେ ରାମ ନବମୀ ଯାତ୍ରା ଏବଂ କାଉଡିଆ ଯାତ୍ରା ଉପରେ ପ୍ରତିବନ୍ଧକ ଲଗାଯିବ । ରାଜସ୍ଥାନର କଂଗ୍ରେସ ସରକାର ଏହି ପାପ କରିଛନ୍ତି ।
ରାଜସ୍ଥାନରେ କଂଗ୍ରେସ ସରକାରଙ୍କ ଅଧୀନରେ ପିଏଫ୍ଆଇ କର୍ମୀମାନେ ରାଲି କରୁଛନ୍ତି । କଂଗ୍ରେସ ସରକାର ଆତଙ୍କବାଦୀଙ୍କ ପ୍ରତି ସହାନଭୁତି ଦେଖାଉଛି । ରାଜସ୍ଥାନକୁ ଧ୍ୱଂସ କରି ମାନିବ କଂଗ୍ରେସ । କିନ୍ତୁ ଆମେ ରାଜସ୍ଥାନକୁ ନଷ୍ଟ ହେବାକୁ ଦେବୁ ନାହିଁ ବୋଲି କହିଛନ୍ତି ମୋଦି ।