ମିଜୋରାମ ଏବଂ ଅରୁଣାଚଳ ପ୍ରଦେଶର ପ୍ରତିଷ୍ଠା ଦିବସ ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଲେ ପିଏମ୍ ମୋଦୀ
ନୂଆଦିଲ୍ଲୀ: ଆଜି ଅର୍ଥାତ୍ ୨୦ ଫେବୃଆରୀ ହେଉଛି ମିଜୋରାମ ଏବଂ ଅରୁଣାଚଳ ପ୍ରଦେଶର ସ୍ଥାପନା ଦିବସ। ଏହି ଅବସରରେ ରାଷ୍ଟ୍ରପତି ରାମ ନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ବହୁ ବିଶିଷ୍ଟ ନେତା ଏହି ବିଶେଷ ଉତ୍ସବରେ ଅଭିନନ୍ଦନ ଜଣାଇଛନ୍ତି।
ରାଷ୍ଟ୍ରପତି କୋବିନ୍ଦ ଟ୍ୱିଟ୍ କରି ଲେଖିଛନ୍ତି, ଅରୁଣାଚଳ ପ୍ରଦେଶର ପ୍ରତିଷ୍ଠା ଦିବସରେ ସମସ୍ତ ଲୋକଙ୍କୁ ମୋର ଶୁଭେଚ୍ଛା। ରାଜ୍ୟର ପ୍ରାକୃତିକ ସୌନ୍ଦର୍ଯ୍ୟ ଚମତ୍କାର। ଏହାର ସାଂସ୍କୃତିକ ଦୃଶ୍ୟରେ ଜାତିଗତ ଆଦିବାସୀ ଗୋଷ୍ଠୀ ଏବଂ ଭାଷାର ବିଶ୍ୱର ସବୁଠାରୁ ଧନୀ ବିବିଧତା ରହିଛି। ଏଥିସହ ସେ କହିଛନ୍ତି ଯେ ରାଜ୍ୟ ଦ୍ରୁତ ଗତିରେ ବୃଦ୍ଧି ହେଉ।
ଏଥି ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଟ୍ୱିଟ୍ କରି ଉଭୟ ରାଜ୍ୟକୁ ଶୁଭେଚ୍ଛା ଜଣାଇଛନ୍ତି। ମିଜୋରାମକୁ ତାଙ୍କର ପ୍ରଥମ ଟ୍ୱିଟରେ ଶୁଭେଚ୍ଛା ଜଣାଇ ସେ ଲେଖିଛନ୍ତି, ‘ମୋ ମିଜୋରାମବାସୀର ଭଉଣୀ ଏବଂ ଭାଇମାନଙ୍କୁ ରାଜ୍ୟ ପ୍ରତିଷ୍ଠା ଦିବସରେ ଶୁଭେଚ୍ଛା। ମହାନ ମିଜୋରାମ ସଂସ୍କୃତି ପାଇଁ ସମଗ୍ର ଦେଶ ଗର୍ବିତ। ମିଜୋରାମର ଲୋକମାନେ ପ୍ରକୃତି ସହିତ ସୁସମ୍ପର୍କରେ ବଞ୍ଚିବା ସହିତ ସେମାନଙ୍କର ଦୟା ଏବଂ ପ୍ରତିବଦ୍ଧତା ପାଇଁ ଜଣାଶୁଣା। ରାଜ୍ୟର ଅଭିବୃଦ୍ଧି ପାଇଁ ମୁଁ ପ୍ରାର୍ଥନା କରୁଛି। ‘
Comments are closed.