ମୁମ୍ବାଇ: ବହୁ ପ୍ରତୀକ୍ଷିତ ଫିଲ୍ମ ‘ଆଦିପୁରୁଷ’ ଆଜିକାଲି ଖୁବ୍ ଚର୍ଚ୍ଚାରେ ଅଛି । ଏହି ଫିଲ୍ମ ଆସନ୍ତା ୧୬ ତାରିଖରେ ରିଲିଜ୍ ହେବ । ଫିଲ୍ମ ‘ଦ କଶ୍ମୀର ଫାଇଲ୍ସ’ର ପ୍ରଡ୍ୟୁସର ଅଭିଷେକ ଅଗ୍ରୱାଲ ଫିଲ୍ମ ଆଦିପୁରୁଷର ୧୦ ହଜାର ଟିକେଟ ମାଗଣାରେ ବଣ୍ଟନ କରିବେ । ଏହି ଟିକେଟସବୁ ତେଲେଙ୍ଗାନାରେ ହିଁ ବଣ୍ଟାଯିବ । ସରକାରୀ ସ୍କୁଲର ଛାତ୍ରୀଛାତ୍ର, ବୃଦ୍ଧାଶ୍ରମ ଓ ଅନାଥାଶ୍ରମରେ ଏହିସବୁ ଟିକେଟ ଦିଆଯିବ । ଯଦି ଏମିତି ହେବ ତେବେ ଫିଲ୍ମର କଲେକସନକୁ ବଡ ସପୋର୍ଟ ମିଳିବ ବୋଲି କୁହାଯାଉଛି ।
ନିକଟରେ ଆଦିପୁରୁଷର ନିର୍ମାତା ଘୋଷଣା କରିଥିଲେ ଯେ, ପ୍ରତି ଥିଏଟରରେ ହନୁମାନ ଜୀଙ୍କ ପାଇଁ ଗୋଟିଏ ସିଟ୍ ଖାଲି ରହିବ । ଏହି ଖବର ପାଇବା ପରେ ସୋସିଆଲ ମିଡିଆରେ ନିର୍ମାତାଙ୍କୁ ଖୁବ୍ ପ୍ରଶଂସା କରାଯାଇଥିଲା ।
ଫିଲ୍ମ ‘ଆଦିପୁରୁଷ’ରେ ସାଉଥ ସୁପରଷ୍ଟାର ପ୍ରଭାସ ରାମ ଭୂମିକାରେ ଅଭିନୟ କରିଥିବା ବେଳେ କ୍ରିତି ସାନନ ସୀତା ଭୂମିକାରେ ନଜର ଆସିବେ । ଶୈଫ ଅଲି ଖାଁ ରାବଣ ଭୂମିକାରେ ନଜର ଆସିବେ । ଏହି ଫିଲ୍ମ ଜୁନ ୧୬ ତାରିଖରେ ରିଲିଜ ହେବ । ରାମାୟଣର କାହାଣୀକୁ ବଡ଼ ପରଦାରେ ଦେଖିବାକୁ ଦର୍ଶକ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ଏହି ଫିଲ୍ମଟି ହାଇବଜେଟ୍ରେ ନିର୍ମିତ ହୋଇଛି । ଏହାର ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିଥିବାରୁ ଫିଲ୍ମଟି ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ଆଶା ରଖିଛି ।
Comments are closed.