ପୁରୀ: ଶୋଇଥିବା ବେଳେ ଘରେ ବୁଲାଉ ଥିଲେ କଳାକନା । ପୁରୀ ବାସେଳି ସାହି ଥାନା ପୋଲିସ ଏଭଳି ୨ ଜଣ ଚୋରକୁ ଗିରଫ କରିଛି । ଉଭୟଙ୍କ ଠାରୁ ଚୋରି ହୋଇଥିବା ସାମଗ୍ରୀ ମଧ୍ୟ ଜବତ କରାଯାଇଛି । ୨ ଅଭିଯୁକ୍ତ ବାସେଳି ସାହି ଥାନା ନୋଳିଆ ସାହିର ଦୀପକ ବେହେରା ଓ ଜଗନ୍ନାଥ ବସ୍ତିର ତ୍ରିନାଥ ଦାସ ବୋଲି ଜଣାପଡ଼ିଛି । ସେମାନଙ୍କୁ ଠାରୁ ଗୋଟିଏ ମୋବାଇଲ୍, ଗୋଟିଏ ରୂପା ଚେନ୍, ଗୋଟିଏ ସୁନା ଲକେଟ୍, ପିତ୍ତଳ ବାସନକୁସନ ସହ କିଛି ଶାଢ଼ି ଜବତ ହୋଇଛି ।
ଅଭିଯୋଗ ଅନୁସାରେ ଗତ ୧୮ ତାରିଖ ରାତି ପ୍ରାୟ ୨ଟା ସମୟରେ ୨ ଅଭିଯୁକ୍ତ ବାସେଳି ସାହା ଥାନା ଜଗନ୍ନାଥ ବସ୍ତିର ପବିତ୍ରମୋହନ ସେନାପତିଙ୍କ ଘରୁ ଲୁଟ୍ କରିଥିଲେ । ପବିତ୍ରଙ୍କ ପରିବାରର ସମସ୍ତ ସଦସ୍ୟ ଶୋଇଥିବାର ସୁଯୋଗ ନେଇ ଘରେ କଳାକନା ବୁଲାଇ ଥିଲେ ୨ ଅଭିଯୁକ୍ତ । ସୁନା ଅଳଙ୍କାର ସହ ଅନ୍ୟ ଜିନିଷ ଲୁଟ୍ କରି ନେଇଥିଲେ ।
Comments are closed.