ପୁରୀ : ରତ୍ନ ଭଣ୍ଡାର ଖୋଲିବା ନେଇ ପୁରୀ ଯୁବ କଂଗ୍ରେସର ବିକ୍ଷୋଭ । ଶ୍ରୀମନ୍ଦିର ରତ୍ନ ଭଣ୍ଡାର ସ୍ୱର୍ଣ୍ଣ ଅଳଙ୍କାର ସୁରକ୍ଷିତ କି ନୁହେଁ। କଣ ପାଇଁ ଏଯାଏଁ ଏହା ଖୋଲାଯାଉନି। ଏହି ସବୁ ପ୍ରଶ୍ନନେଇ ଆଜି ଯୁବ କଂଗ୍ରେସ ପକ୍ଷରୁ ଶୋଭାଯାତ୍ରା ସହ ଜିଲ୍ଲାପାଳଙ୍କୁ ସ୍ମାରକପତ୍ର ଦିଆଯାଇଛି।
ସାଢେ ଚାରି କୋଟି ଓଡିଆଙ୍କ ଆସ୍ତା ଓ ବିଶ୍ୱାସର ପ୍ରତୀକ ଶ୍ରୀମନ୍ଦିର। ଦୀର୍ଘ ୩୦ ବର୍ଷ ହେବ ଏହା ଖୋଲାଯାଉନି। ଭିତର ରତ୍ନ ଭଣ୍ଡାରରେ ଦୁଇଟି ବିମ୍ ଫାଟି ଖରାପ ଅଛି । ଭିତର ରତ୍ନଭଣ୍ଡାର ଚାବି ହଜିବା ଘଟଣାକୁ ନେଇ ଗଠିତ ଜଷ୍ଟିସ ରଘୁବୀର ଦାସ କମିଶନ ରିପୋର୍ଟ ଏଯାବତ ସାର୍ବଜନୀନ କରାଯାଇନାହିଁ।
ଶ୍ରୀମନ୍ଦିର ସତ୍ଵଲିପି ଅନୁଯାୟୀ ଅନୁଯାୟୀ ପ୍ରତି ୩ ବର୍ଷରେ ଥରେ ରତ୍ନଭଣ୍ଡାର ଯାଞ୍ଚ ଓ ସ୍ୱର୍ଣ୍ଣ ଅଳଙ୍କାର ଗଣତି ହେବା କଥା । ଆସନ୍ତା ୨୧ଦିନ ମଧ୍ୟରେ ଶ୍ରୀମନ୍ଦିର ଭିତର ରତ୍ନଭଣ୍ଡାର ନେଇ ରାଜ୍ୟ ସରକାର କୌଣସି ପ୍ରତିକ୍ରିୟା ନରଖିଲେ ପୁରୀ ବନ୍ଦ ଡାକରା ଦିଆଯିବା ନବୀନ ନିବାସ ଘେରାଉ କରାଯିବ ବୋଲି ଯୁବ କଂଗ୍ରେସ ପକ୍ଷରୁ କୁହାଯାଇଛି।