ମୟୂରଭଞ୍ଜ : କପ୍ତିପଦା ବନ ବିଭାଗ ଅଧୀନସ୍ଥ ରାଢୋ ଗାଁରେ ୮ ଫୁଟ ଲମ୍ବର ଏକ ଅଜଗର ସାପ ଉଦ୍ଧାର ହୋଇଛି । ଜଣେ ବ୍ୟକ୍ତିଙ୍କ କୁକୁଡ଼ା ଫାର୍ମ ହାଉସରେ ବିଶାଳକାୟ ଅଜଗର ସାପ ପଶି ଫାର୍ମରେ ଥିବା କୁକୁଡ଼ାକୁ ଖାଉଥିଲା । ଫାର୍ମରେ ୩ ରୁ ଅଧିକ କୁକୁଡ଼ା ଖାଇଥିବା ଜଣାପଡ଼ିଛି । ମାତ୍ର ଫାର୍ମ ହାଉସ ମାଲିକ ଦେଖିବା ପରେ ସଙ୍ଗେ ସଙ୍ଗେ ୱାଇଲଡ ଲାଇଫକୁ ଖବର ଦେଇଥିଲେ। ଘଟଣାସ୍ଥଳରେ ୱାଇଲଡ ଲାଇଫ ଟ୍ରଷ୍ଟ ଅଫ ଇଣ୍ଡିଆର ସଦସ୍ୟ ପହଞ୍ଚି ଫାର୍ମ ହାଉସ ଭିତରୁ ଅଜଗର ସାପକୁ ଉଦ୍ଧାର କରିଛନ୍ତି ।
ତେବେ ଅଜଗର ସାପଟି ଫାର୍ମ ହାଉସ ଭିତରେ ୩ ରୁ ଅଧିକ କୁକୁଡ଼ାକୁ ମାରି ଦେଇଥିବା ବେଳେ ଆହର ଅବସ୍ଥାରେ ସାପଟିକୁ ଉଦ୍ଧାର କରାଯାଇଛି । ଉଦ୍ଧାର ସାପଟିର ଲମ୍ବ ୮ ଫୁଟ ହୋଇଥିବା ବେଳେ ଓଜନ ପ୍ରାୟ ୭ କିଲୋରୁ ଅଧିକ ହୋଇଥିବା ଜଣାପଡ଼ିଛି।ଏନେଇ ସାପଟିକୁ ଉଦ୍ଧାର କରି ଜଙ୍ଗଲରେ ଛାଡି ଦିଆଯିବା ନେଇ ସୂଚନା ଦେଲେ ୱାଇଲଡ ଲାଇଫ ଟ୍ରଷ୍ଟ ଅଫ ଇଣ୍ଡିଆର ଡାକ୍ତର ମନଜିତ୍ ।
Comments are closed.