ବୁଡଗାମ ଏନକାଂଉଟର: ରାହୁଲଙ୍କ ହତ୍ୟାକାରୀ ସମେତ ସଫା ହେଲେ ୩ ଆତଙ୍କୀ

ବୁଡଗାମ: ଜମ୍ମୁ-କଶ୍ମୀରର ବୁଡଗାମ ଅଂଚଳରେ ସୁରକ୍ଷାକମୀଙ୍କୁ ବଡ ସଫଳତା ମିଳିଛି । କଶ୍ମୀର ପଣ୍ଡିତ ରାହୁଲ ଭଟଙ୍କ ହତ୍ୟକାରୀ ସମେତ ୩ ଆତଙ୍କୀଙ୍କୁ ସଫା କରାଯାଇ ପାରିଛି । ଲଶ୍କର ଇ ତୋଇବାର ଏହି ଆତଙ୍କବାଦୀ ଲୁଚି ରହିଥିବା ପୋଲିସ ଖବର ପାଇବା ପରେ ସମ୍ପୃକ୍ତ ଅଂଚଳକୁ ଘେରାଉ କରିଥିଲା । ଧରା ପଡିଯିବା ଭୟରେ ସେମାନେ ପୋଲିସ ଉପରକୁ ଗୁଳି ଚଳାଇଥିଲେ ପାଲଟା ଜବାବରେ ୩ ଆତଙ୍କୀ ମୃତ୍ୟୁବରଣ କରିଥିଲେ । ଲତିଫ ରାଥର ନାମକ ଆତଙ୍କୀ ରାହୁଲ, ଅମରୀନ ଭଟଙ୍କ ସମେତ ଅନ୍ୟ କେତେଜଣ ନିରୀହ ନାଗରିକଙ୍କ ହତ୍ୟାରେ ସାମିଲ ଥିଲା । ଯାହାକୁ ନେଇ ଘାଟିରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲା । ଏହା ବ୍ୟତୀତ ସ୍ଥାନୀୟ ପୋଲିସ ୩୦ କିଗ୍ରା ଆଇଇଡି ଜବତ କରିଛି । ଏହା ଦ୍ୱାରା ଆତଙ୍କବାଦୀଙ୍କ ଆଉ ଏକ ଷଡଯନ୍ତ୍ର ପଣ୍ଡ ହୋଇଛି ।