ନୂଆଦିଲ୍ଲୀ:ମହାନତା ଦେଖାଇଲେ କଂଗ୍ରେସ ନେତା ରାହୁଲ ଗାନ୍ଧି । ଆମ୍ବୁଲାନ୍ସକୁ ଦେଖି ଭାରତ ଯୋଡୋ ଯାତ୍ରାକୁ ଅଟକାଇଲେ । ଆମ୍ବୁଲାନ୍ସକୁ ବାଟ ଛାଡିଦେଲେ । ଆମ୍ବୁଲାନ୍ସକୁ ଛାଡ଼ିବା ପାଇଁ କିଛି ସମୟ ପର୍ଯ୍ୟନ୍ତ ସେ ରାସ୍ତରେ ଅଟକି ରହିଲେ । ନିଜ ସାଥୀ ଯାତ୍ରୀଙ୍କୁ ମଧ୍ୟ ଆମ୍ବୁଲାନ୍ସକୁ ରାସ୍ତା ଛାଡିବା ଲାଗି କହିଥିଲେ । ଆଜି ସକାଳେ ଘଟଣା ରାଜଧାନୀ ଦିଲ୍ଲୀରେ ଏପରି ଦୃଶ୍ୟ ଦେଖିବାକୁ ମିଳିଥିଲା ।
ଆଜି ରାହୁଲଙ୍କ ଭାରତଯୋଡୋ ଶୋଭାଯାତ୍ରା ହରିଆଣାର ବଦରପୁର ସୀମାରୁ ବାହାରି ଦିଲ୍ଲୀରେ ପହଞ୍ଚିଥିଲା । ସକାଳ ପ୍ରାୟ ୮ଟା ସମୟରେ ଦିଲ୍ଲୀ ଆପୋଲ ହସ୍ପିଟାଲ ନିକଟରେ ପହଞ୍ଚିଥିଲା ଶୋଭାଯାତ୍ରା । ଲାଲ କିଲ୍ଲା ପର୍ଯ୍ୟନ୍ତ ଯିବାର କାର୍ଯ୍ୟକ୍ରମ ଥିଲା । ଏହି ଶୋଭାଯାତ୍ରା ଆଶ୍ରମ ଚୌକ, ନିଜାମୁଦ୍ଦିନ, ଇଣ୍ଡିଆ ଗେଟ, ଆଇଟିଓ, ଲାଲ କିଲ୍ଲା ଏବଂ ରାଜଘାଟ ଦେଇ ଯିବାର ଥିଲା । ଏହି ସମୟରେ ଆଶ୍ରମ ଘାଟ ନିକଟରେ ଦୁଇ ଘଣ୍ଟା ବିଶ୍ରାମ ନେଇଥିଲେ ।
ତାଙ୍କର ଶୋଭାଯାତ୍ରା ଆପୋଲ ହସ୍ପିଟାଲ ନିକଟରେ ପହଞ୍ଚିବା ସମୟରେ ଏକ ଆମ୍ବୁଲାନ୍ସ ଆସିଥିଲା । ତାକୁ ଦେଖି ରାହୁଲ ନିଜେ ଅଟକି ଯିବା ସହ ପୁରା ଶୋଭାଯାତ୍ରାକୁ ଅଟକାଇଥିଲେ ।
