ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବିଜୟା ଦଶମୀ ଅବସରରେ ରବିବାର ଦିନ ସିକ୍କିମର ନାଥୁ ଲାରେ ଚୀନ୍ ସୀମା ନିକଟରେ ପାରମ୍ପାରିକ ଭାବେ ଶସ୍ତ୍ର ପୂଜା କରିଛନ୍ତି ।
ଏହି ଅବସରରେ ସେ କହିଛନ୍ତି ଯେ ସୀମାରେ ଉତ୍ତେଜନା ସମାପ୍ତ ଏବଂ ଶାନ୍ତି ପ୍ରତିଷ୍ଠା ପାଇଁ ଭାରତ ଚାହୁଁଛି । ହେଲେ ସୀମାରେ ଏବେବି ଉତ୍ତେଜନା ରହିଛି । କିନ୍ତୁ ଦେଶର ସୁରକ୍ଷା ପାଇଁ ନିୟୋଜିତ ଯବାନ ମାନେ ଇଞ୍ଚେ ଜମିକୁ ବି କାହା ହାତକୁ ଯିବାକୁ ଦେବେ ନାହିଁ ।
ସେ ଆହୁରି ମଧ୍ୟ କହିଛନ୍ତି ଯେ ଭାରତୀୟ ସେନା ଓ ଯବାନ ମାନଙ୍କ ସହ ସାକ୍ଷାତ କଲେ ତାଙ୍କୁ ବହୁତ ଖୁସି ଅନୁଭୂତ ହୋଇଥାଏ । ଆଗାମୀ ଦିନରେ ଯେବେବି ଇତିହାସ ଲେଖାଯିବ ସେବେ ଭାରତୀୟ ସେନାର ଶୌର୍ଯ୍ୟ ଓ ଗାଥା ସ୍ୱର୍ଣ୍ଣ ଅକ୍ଷରରେ ଲେଖାଯିବ ।
ଏହି ଶସ୍ତ୍ର ପୂଜା ଅବସରରେ ସେନା ଅଧିକାରୀ ଓ ଯବାନ ମାନେ ଉପସ୍ଥିତ ରହିଥିଲେ ।