ମୁମ୍ବାଇ: ଦୀର୍ଘ ୧୧ ବର୍ଷ ପରେ ତେଲୁଗୁ ସୁପରଷ୍ଟାର ରାମ ଚରଣ ବାପା ହୋଇଛନ୍ତି । ଜୁନ୍ ୨୦ ତାରିଖରେ ତାଙ୍କ ସ୍ତ୍ରୀ ଉପାସନା କୋନିଡେଲା ହାଇଦ୍ରାବାଦର ଏକ ଘରୋଇ ହସପଟାଲରେ ଏକ ଶିଶୁକନ୍ୟାକୁ ଜନ୍ମ ଦେଇଥିଲେ । ଏହା ହେଉଛି ସେମାନଙ୍କର ପ୍ରଥମ ସନ୍ତାନ । ଏନେଇ ଉଭୟଙ୍କ ଘରେ ଖୁସିର ଲହରି ଖେଳିଯାଇଛି । ଶୁକ୍ରବାର ରାମଚରଣ ଏବଂ ଉପାସନାଙ୍କ ଝିଅର ନାମକରଣ ସମାରୋହ ଧୁମ୍ଧାମ୍ରେ ଅନୁଷ୍ଠିତ ହୋଇଯାଇଛି । ରାମଚରଣ ତାଙ୍କ ଝିଅର ନାଁ କଲିନ୍ କାରା ବୋଲି ରଖିଛନ୍ତି । ଏହି ଉତ୍ସବରେ ଦୁଇ ପରିବାରର ସମସ୍ତ ସଦସ୍ୟଙ୍କ ସହ ବନ୍ଧୁବାନ୍ଧବ ଓ ବହୁ ସମ୍ପର୍କୀୟ ସାମିଲ ହୋଇଛନ୍ତି ।
ଏନେଇ ଉପାସନା ସୋସିଆଲ ମିଡିଆରେ ଏହି ସମାରୋହର ଭିଡ଼ିଓ ସେୟାର କରିଛନ୍ତି । ଯେଉଁଥିରେ ନାମକରଣ ସମାରୋହ ପାଇଁ ଜୋରସୋରରେ ପ୍ରସ୍ତୁତି ଚାଲିଥିବା ଦେଖିବାକୁ ମିଳିଛି ।
Comments are closed.