ନୂଆଦିଲ୍ଲୀ: ରଣଜୀ ଟ୍ରଫି ୨୦୨୪ର କ୍ୱାର୍ଟର ଫାଇନାଲ ଲାଇନ ଅପ ଚୂଡାନ୍ତ ହୋଇଛି । ଏହାର କାର୍ଯ୍ୟସୂଚୀ ମଧ୍ୟ ଘୋଷଣା କରାଯାଇଛି । ଚାରି ଏଲିଟ ଗ୍ରୁପରୁ ଶୀର୍ଷ ୨ଟି ଟିମ କ୍ୱାର୍ଟର ଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି । ଶୁକ୍ରବାରଠାରୁୁ କ୍ୱାର୍ଟର ଫାଇନାଲ ମୁକାବିଲା ଆରମ୍ଭ ହେବ । ନିଜ ନିଜ ଗ୍ରୁପରେ ଶୀର୍ଷ ସ୍ଥାନରେ ଥିବା ଟିମ ଅନ୍ୟ ଗ୍ରୁପର ଦ୍ୱିତୀୟ ସ୍ଥାନରେ ଥିବା ଦଳ ସହିତ ମ୍ୟାଚ ଖେଳିବେ । ପ୍ରଥମ କ୍ୱାର୍ଟର ଫାଇନାଲ ନାଗପୁରରେ ବିଦର୍ଭ ଓ କର୍ଣ୍ଣାଟକ ମଧ୍ୟରେ ଖେଳାଯିବ । ସେହିପରି ମଧ୍ୟପ୍ରଦେଶ ଓ ଆନ୍ଧ୍ରପ୍ରଦେଶ ମଧ୍ୟରେ ଦ୍ୱିତୀୟ ମୁକାବିଲା ହେବ । ଅନ୍ୟ ୨ଟିରେ ବରୋଦାକୁ ଭେଟିବ ମୁମ୍ବାଇ ଏବଂ ତାମିଲନାଡୁ ଓ ସୌରାଷ୍ଟ୍ର ମଧ୍ୟରେ ମ୍ୟାଚ ହେବ ।
୭ ବର୍ଷ ପରେ ତାମିଲନାଡୁ କ୍ୱାର୍ଟରରେ ପ୍ରବେଶ କରିଛି । ଜିଓ ସିନେମାରେ ଏହି ମ୍ୟାଚଗୁଡିକ ପ୍ରସାରିତ ହେବ । ପ୍ଲେଟ ଡିଭିଜନର ଶୀର୍ଷ ୨ଟି ଟିମ ହାଇଦ୍ରାବାଦ ଓ ମେଘାଳୟ ଆଗାମୀ ସିଜନରେ ଏଲିଟ ଗ୍ରୁପର ଅଂଶବିଶେଷ ହେବେ । ଚାରି ଏଲିଟ ଗ୍ରୁପର ନିମ୍ନ ସ୍ଥାନରେ ଥିବା ୨ଟି ଟିମ ମଣିପୁର ଓ ଗୋଆ ପ୍ଲେଟ ଡିଭିଜନକୁ ସ୍ଥାନାନ୍ତରିତ ହେବେ ।
Comments are closed.