ଭୁବନେଶ୍ୱର: ଅହମ୍ମଦାବାଦରେ ଚାଲିଥିବା ରଣଜୀ ଟ୍ରଫି କ୍ରିକେଟରେ ଓଡିଶା ଶୋଚନୀୟ ଭାବେ ମୁମ୍ବାଇ ନିକଟରୁ ପରାଜୟବରଣ କରିଛି । ଏଲିଟ ଗ୍ରୁପ ଡି’ର ଏହି ମୁକାବିଲାରେ ଓଡିଶା ଇନିଂସ ଏବଂ ୧୦୮ ରନରେ ପରାଜିତ ହୋଇଛି । କ୍ରମାଗତ ଦ୍ୱିତୀୟ ପରାଜୟ ସହ ଓଡିଶାର ପରବର୍ତୀ ପର୍ଯ୍ୟାୟକୁ ଉନ୍ନୀତ ହେବ ଆଶା ଧୋଇ ହୋଇଯାଇଛି । ମୁମ୍ବାଇ ୧୬ ପଂଏଟ ସହ ଏହି ଗ୍ରୁପରେ ଶୀର୍ଷରେ ରହିଥିବା ବେଳେ ସୌରାଷ୍ଟ୍ର ଦ୍ୱିତୀୟ, ଓଡିଶା ତୃତୀୟ ଓ ଗୋଆ ଚତୁର୍ଥ ସ୍ଥାନରେ ରହିଛି । ଓଡିଶା ପ୍ରଥମ ଇନିଂସରେ ୨୮୪ ରନ ସଂଗ୍ରହ କରିଥିଲା । ଏହାର ଜବାବରେ ମୁମ୍ବାଇ ୯ ୱିକେଟ ବିନିମୟରେ ୫୩୨ ରନ କରି ଇନିଂସ ଘୋଷଣା କରିଥିଲା । ଓଡିଶା ଦ୍ୱିତୀୟ ଇନିଂସରେ ୧୪୦ରନ କରି ଅଲଆଉଟ ହୋଇ ଯାଇଥିଲା ।
ଅଭିଷେକ ରାଉତ ଦଳ ପକ୍ଷରୁ ସର୍ବାଧିକ ୫୯ ରନ କରିଥିଲେ । ଅଂଶୀ ରଥ ୩୪ ଓ ଦେବାଶୀଷ ସାମନ୍ତରାୟ ୨୨ ରନ କରିଥିବା ବେଳେ ଅନ୍ୟ କୌଣସି ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ପାରି ନ ଥିଲେ । ମୁମ୍ବାଇର ଶାମସ ମୁଲାନୀ ୫ଟି ଓ ତୁନୁଷ କୋଟିଆନ ୩ଟି ୱିକେଟ ନେଇଥିଲେ ।
Comments are closed.