ପଶ୍ଚିମବଙ୍ଗରେ ପୁଣି ଲଜ୍ୟା, ଦୁଷ୍କର୍ମ ପରେ ହତ୍ୟା ଅଭିଯୋଗ ଆଣିଲେ ନାବାଳିକାଙ୍କ ପରିବାର ଲୋକେ

କୋଲକାତା: ପଶ୍ଚିମବଙ୍ଗର ନଦିଆ ଜିଲ୍ଲାରେ ଜଣେ ନାବାଳିକାକୁ ଦୁଷ୍କର୍ମ ପରେ ହତ୍ୟା କରାଯାଇଥିବାର କିଛି ଦିନ ପରେ ପୁଣି ଜଣେ ନାବାଳିକା ନିଜ ସମ୍ପର୍କୀୟଙ୍କ ଘରେ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛନ୍ତି। ନାବାଳିକାଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ଝିଅର ବାପା।

ଜଣେ ପୁଲିସ ଅଧିକାରୀ କହିଛନ୍ତି ଯେ ତାଙ୍କ ଝିଅ ଧାନତାଲାରେ ଥିବା ତାଙ୍କ ସଂପର୍କୀୟଙ୍କ ଘରକୁ ଯାଇଥିଲେ । ୧୫ ବର୍ଷୀୟ ଏହି ନାବାଳିକାଙ୍କୁ ତାଙ୍କ ସଂପର୍କୀୟ ଦୁଷ୍କର୍ମ କରି ହତ୍ୟା କରିଥିବା ନାବାଳିକାଙ୍କ ବାପାଙ୍କ ଲିଖିତ ଅଭିଯୋଗ କରିଛନ୍ତି। ନାବାଳିକାଙ୍କ ମୃତଦେହ ତାଙ୍କ ସମ୍ପର୍କୀୟଙ୍କ ଘରୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିବା ସେ କହିଛନ୍ତି।

ଏହି ଘଟଣାରେ ଚାରି ଜଣଙ୍କୁ ଗିରଫ କରାଯାଇଥିବା ସେ କହିଛନ୍ତି। ତେବେ ଅଭିୟୁକ୍ତମାନେ ସେମାନଙ୍କ ମଧ୍ୟରୁ ଜଣେ କି ନାହିଁ ସେ ନେଇ ସେ କିଛି ସ୍ପଷ୍ଟ କରିନାହାନ୍ତି। ଅଧିକାରୀ ଏହା ମଧ୍ୟ କହିଛନ୍ତି ଯେ ଅଭିଯୋଗ ପରେ ଶବର ପୋଷ୍ଟମର୍ଟମ କରାଯାଇଛି କିନ୍ତୁ ଝିଅର ବାପା ଏଥିରେ ସନ୍ତୁଷ୍ଟ ନୁହନ୍ତି। ତେବେ କେଉଁ କାରଣ ପାଇଁ ନାବାଳିକାଙ୍କ ବାପା ଏହି ରିପୋର୍ଟରେ ସନ୍ତୁଷ୍ଟ ହୋଇନାହାନ୍ତି ତାହା ସେ ସ୍ପଷ୍ଟ କରିନାହାନ୍ତି। ଏବେ ଶବ ବ୍ୟବଚ୍ଛେଦ ଦ୍ୱିତୀୟ ଥର କରିବାକୁ ସେ ଦାବି କରି ସ୍ଥାନୀୟ କୋର୍ଟରେ ଆବେଦନ କରିଛନ୍ତି। ଯାହାକୁ କୋର୍ଟ ମଧ୍ୟ ଗ୍ରହଣ କରିଛନ୍ତି।