ମୁମ୍ବାଇ: ୯୦ ଦଶକର ସୁନ୍ଦର ଅଭିନେତ୍ରୀ ରବିନା ଟଣ୍ଡନ୍ ଏବେ ମଧ୍ୟ ନିଜ କାମରେ ଲୋକଙ୍କୁ ମନୋରଞ୍ଜନ କରୁଛନ୍ତି। ଅଭିନେତ୍ରୀ ଆଜି ନିଜ ଜନ୍ମଦିନ ପାଳନ କରୁଛନ୍ତି। ରବିନା ଟଣ୍ଡନ ନିଜ କ୍ୟାରିଅରରେ ଅନେକ ଭଲ ଭଲ ଚଳଚ୍ଚିତ୍ର କରିଛନ୍ତି। ସେଥିମଧ୍ୟରୁ ଏପରି ଟପ୍ ଚଳଚ୍ଚିତ୍ର ଅଛି ଯାହା ଏଭର ଗ୍ରିନ ବୋଲି କୁହାଯାଏ। ‘ମୋହରା’ ଫିଲ୍ମ ତନମଧ୍ୟରୁ ଅନ୍ୟତମ। ଏହା ଏକ ସୁପରହିଟ୍ ଫିଲ୍ମ ଥିଲା ଯେଉଁଥିରେ ଅଭିନେତ୍ରୀ ସାମ୍ବାଦିକ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରରେ ତାଙ୍କ ସହ ଅକ୍ଷୟ କୁମାର ଏବଂ ସୁନୀଲ ଶେଟ୍ଟୀ ମୁଖ୍ୟ ଭୂମିକାରେ ଥିଲେ।
ଆଜି ବି ଲୋକମାନେ ‘ଆନ୍ଦାଜ ଅପନା ଆପ୍ନା’ ଦେଖିବାକୁ ପସନ୍ଦ କରନ୍ତି। କମେଡି-ଡ୍ରାମା ଉପରେ ଆଧାରିତ ଏହି ଚଳଚ୍ଚିତ୍ରଟି ସମସ୍ତଙ୍କୁ ପସନ୍ଦ ଆସିଥିଲା। ଏହି ଚଳଚ୍ଚିତ୍ରରେ ରବିନାଙ୍କ ଅଭିନୟକୁ ମଧ୍ୟ ବହୁତ ପ୍ରଶଂସା କରାଯାଇଥିଲା। ସେହିପରି ‘ଦିଲୱାଲେ’ରେ ଅଜୟ ଦେବଗନ୍ ଏବଂ ରବିନା ଟଣ୍ଡନଙ୍କ କେମିଷ୍ଟ୍ରି ସମସ୍ତଙ୍କ ହୃଦୟ ଜିତିଥିଲା। ଏହି ଚଳଚ୍ଚିତ୍ରରେ ସୁନୀଲ ଶେଟ୍ଟୀ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିଲେ।
୨୦୦୧ ମସିହାରେ ଚଳଚ୍ଚିତ୍ର ‘Daman: A Victim of Marital Violence’ ପାଇଁ ରବିନା ଟଣ୍ଡନଙ୍କୁ ଜାତୀୟ ପୁରସ୍କାର ପ୍ରଦାନ କରାଯାଇଥିଲା। ‘ଖିଲାଡିୟୋଁ କା ଖିଲାଡି’ର କାହାଣୀ ପ୍ରେମ ଏବଂ ମାଫିଆ ଗ୍ୟାଙ୍ଗ ଉପରେ ଆଧାରିତ ଥିଲା। ଏହି ଚଳଚ୍ଚିତ୍ରରେ ରବିନା ଟଣ୍ଡନଙ୍କ ସହ ଅକ୍ଷୟ କୁମାର ଏବଂ ରେଖା ମଧ୍ୟ ମୁଖ୍ୟ ଭୂମିକାରେ ନଜର ଆସିଥିଲେ।