ଦଶାହ ଭୋଜିରେ ଫାଟିଲା ଗ୍ୟାସ୍ ସିଲିଣ୍ଡର ପାଇପ୍‌, ୩ ଆହତ

ରାୟଗଡା: ରାୟଗଡା ଡିଏଫ୍‌ଓ କଲୋନୀରେ ଅଘଟଣ । ଦଶାହ ଭୋଜି ବେଳେ ଗ୍ୟାସ୍ ସିଲିଣ୍ଡର ପାଇପ୍ ଫାଟି ୩ ଜଣ ମହିଳା ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି । ସେମାନଙ୍କୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ଡିଏଫ୍‌ଓ କଲୋନୀର ଲେନ୍‌-୧ରେ ଏକ ଦଶାହ ଭୋଜି ପାଇଁ ରୋଷେଇ ଚାଲିଥିଲା । ଭୋଜିରେ ୩ ଜଣ ମହିଳା ଶ୍ରମିକ ପରିବା କଟୁଥିଲେ । ତେବେ ହଠାତ୍ ସିଲିଣ୍ଡର ପାଇପ୍ ଫାଟି ଗ୍ୟାସ୍ ଲିକ୍ ହୋଇଥିଲା । ଫଳରେ ସେଠାରେ ବସିଥିବା ୩ ଜଣ ମହିଳା ଶ୍ରମିକ ଜଳି ଯାଇଥିଲେ । ପରେ ସେମାନଙ୍କୁ ଗୁରୁତର ଅବସ୍ଥାରେ ସେଠାରେ ଉପସ୍ଥିତ ଥିବା ଲୋକେ ଉଦ୍ଧାର କରି ହସ୍ପିଟାଲରେ ଭର୍ତିି କରିଥିଲେ । ଚିକିତ୍ସା ପରେ ୩ଜଣଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଡାକ୍ତର ସୂଚନା ଦେଇଛନ୍ତି ।