ଶାରଜା: ଚଳିତ ଆଇପିଏଲରେ ରବିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୬ ରନରେ ପଞ୍ଜାବ କିଙ୍ଗସକୁ ପରାସ୍ତ କରିଛି । ଏଥିସହ ବିରାଟ କୋହଲିଙ୍କ ଟିମ୍ ପ୍ଲେଅଫ ପ୍ରବେଶ ନିଶ୍ଚିତ କରିଛି । ପ୍ରଥମେ ବ୍ୟାଟିଂ କରି ବାଙ୍ଗାଲୋର ୨୦ ଓଭରରେ ୭ ଉଇକେଟ ହରାଇ ୧୬୪ ରନ କରିଥିଲା । ଗ୍ଲେନ ମ୍ୟାକ୍ସୱେଲ (୫୭), ଦେବଦତ ପାଡିକଲ (୪୦) ଓ କୋହଲି ୨୫ ରନର ଇନିଂସ ଖେଳିଥିଲେ । ଜବାବରେ ନିର୍ଦ୍ଧାରିତ ଓଭରରେ ପଞ୍ଜାବ ୬ ଉଇକେଟ ହରାଇ ୧୫୮ ରନ କରିବାକୁ ସକ୍ଷମ ହୋଇଥିଲା । କେଏଲ ରାହୁଲ (୩୯) ଓ ମୟଙ୍କ ଅଗ୍ରୱାଲ ୫୭ ରନର ଆକର୍ଷଣୀୟ ଇନିଂସ ଖେଳିଥିଲେ ମଧ୍ୟ ତାହା ଦଳର ବିଜୟ ପାଇଁ ଯଥେଷ୍ଟ ହୋଇ ନ ଥିଲା । ୟୁଜଭେନ୍ଦ୍ର ଚହଲ ୩ଟି ଉଇକେଟ ନେଇଥିଲେ ।
ବାଙ୍ଗାଲୋର ୧୨ ମ୍ୟାଚରୁ ୧୬ ପଂଏଟ ପାଇ ତୃତୀୟ ସ୍ଥାନରେ ରହିଛି । ଚେନ୍ନାଇ ସୁପର କିଙ୍ଗ୍ସ ୧୨ରୁ ୧୮ ଓ ଦିଲ୍ଲୀ କ୍ୟାପିଟାଲ୍ସ ୧୨ରୁ ୧୮ ପଂଏଟ ପାଇ ପ୍ରଥମ ଓ ଦ୍ୱିତୀୟ ସ୍ଥାନରେ ରହିଛନ୍ତି । ଅନ୍ୟ ଅର୍ଥରେ ଚେନ୍ନାଇ, ଦିଲ୍ଲୀ ଓ ବାଙ୍ଗାଲୋର ପ୍ଲେ ଅଫ ପ୍ରବେଶ ନିଶ୍ଚିତ କରି ସାରଛନ୍ତିି । ବାକି ଗୋଟିଏ ସ୍ଥାନ ପାଇଁ ୪ଟି ଟିମ ମଧ୍ୟରେ ମୁକାବିଲା ହେବ । ହାଇଦ୍ରାବାଦ ଏହି ଦୌଡରୁ ବାଦ ପଡିସାରିଛି ।
Comments are closed.