ମୁମ୍ବାଇ : ୨୦୨୧ ଡିସେମ୍ବର ୩୧ ସୁଦ୍ଧା ଶେଷ ହୋଇଥିବା ତ୍ରୟମାସରେ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ ହାସଲ କରିଛି ରେକର୍ଡ ଲାଭ । ଏନେଇ କମ୍ପାନୀ ପକ୍ଷରୁ ଘୋଷଣା କରାଯାଇଛି । ଏହି ତିନି ମାସରେ କମ୍ପାନୀର ସମସ୍ତ ବ୍ୟବସାୟରେ ଦମ୍ଦାର ଅଭିବୃଦ୍ଧି ଘଟିଛି । କମ୍ପାନୀ ଏପର୍ଯ୍ୟନ୍ତ ସର୍ବାଧିକ କନସୋଲିଡେଟେଡ ନେଟ୍ ଲାଭ ୨୦ ହଜାର ୫୩୯ କୋଟି ଟଙ୍କା ଏବଂ ଇବିଆଇଟିଡିଏ ୩୩ ହଜାର ୮୮୬ କୋଟି ଟଙ୍କା ଉପାର୍ଜନ କରିବା ସହିତ ଏହାର ରାଜସ୍ୱ ଆୟ ସର୍ବକାଳୀନ ସର୍ବାଧିକ ୨୦୯,୮୨୩ କୋଟି ଟଙ୍କାରେ ପହଞ୍ଚିଛି । ଏହାର କ୍ରମାନ୍ବୟ ଅଭିବୃଦ୍ଧିରେ ଓ-ଟୁ-ସି ଏବଂ ଇଆଣ୍ଡ୍ପି ବ୍ୟବସାୟର ସର୍ବବୃହତ ଅବଦାନ ରହିଥିବା ବେଳେ, ଉଭୟ ଜିଓ ଏବଂ ରିଟେଲ ବ୍ୟବସାୟ ମଜଭୁତ ଅଭିବୃଦ୍ଧି ହାସଲ କରି ଏ ପର୍ଯ୍ୟନ୍ତ ସର୍ବୋତମ ତ୍ରୟମାସିକ ଫଳାଫଳ ପ୍ରଦର୍ଶନ କରିଛି ।
ରିଲାଏନ୍ସର ଓ-ଟୁ-ସି ବ୍ୟବସାୟ ପାରମ୍ପରିକ ଭାବରେ କମ୍ପାନୀର ମୋଟାମୋଟି ଲାଭରେ ସର୍ବବୃହତ ଅବଦାନ ରଖୁଥିବା ବେଳେ, ଏ କ୍ଷେତ୍ରରେ ଉଲ୍ଲେଖନୀୟ ପୁନରୁଦ୍ଧାର ଘଟିଛି ଏବଂ ଇବିଆଇଟିଡିଏ ଗତ ବର୍ଷ ସମାନ ସମୟ ତୁଳନାରେ ୩୮.୭ ପ୍ରତିଶତ ବଢିବା ସହ ୧୩,୫୩୦ କୋଟି ଟଙ୍କା (୧.୮ ବିଲିଅନ୍)କୁ ବୃଦ୍ଧିପାଇଛି ଓ ତାହା ମୁଖ୍ୟତଃ ଉନ୍ନତ ଟ୍ରାନ୍ସପୋର୍ଟେସନ ଫୁଏଲ କ୍ରାକ୍ସ, ଉଚ୍ଚତର ପଲିଏଷ୍ଟର ଚେନ୍ ଡେଲ୍ଟା ଏବଂ ଉଚ୍ଚତର ଉତ୍ପାଦନ ଯୋଗୁଁ ସମ୍ଭବ ହୋଇଛି ।
କମ୍ପାନୀର ଇଆଣ୍ଡପି ବ୍ୟବସାୟ ମଧ୍ୟ ଉଲ୍ଲେଖନୀୟ ପ୍ରଦର୍ଶନ କରିଛି ଏବଂ ଉତ୍ପାଦନ କ୍ଷେତ୍ରରେ ଉଲ୍ଲେଖନୀୟ ଉନ୍ନତି ଏବଂ ଉନ୍ନତ ମୂଲ୍ୟ ନିର୍ଦ୍ଧାରଣ ବଳରେ ଏହାର ଇବିଆଇଟିଡିଏ ନୂତନ ଶିଖର ୨୦୩୩ କୋଟି ଟଙ୍କାରେ ପହଞ୍ଚିଛି । ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଉତ୍ପାଦନ ଗତବର୍ଷ ତୁଳନାରେ ୮୭ ପ୍ରତିଶତ ବୃଦ୍ଧିପାଇ ୫୩.୩ ବିଲିୟନ୍ କ୍ୟୁବିକ୍ ଫୁଟ୍ ସମାନ୍ତର ହୋଇଥିବା ବେଳେ, ହାରାହାରି କେଜିଡି ୬ ପ୍ରାକୃତିକ ଗ୍ୟାସ ମୂଲ୍ୟ ବର୍ଷକ ପୂର୍ବ ସମୟ ତୁଳନାରେ ୭୪ ପ୍ରତିଶତ ବୃଦ୍ଧି ପାଇଥିଲା ।
ଜିଓ ପ୍ଲାଟଫର୍ମସ ଲିମିଟେଡ ଅଧୀନରେ କମ୍ପାନୀର ଡିଜିଟାଲ ବ୍ୟବସାୟ ମଧ୍ୟ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଏହାର ସର୍ବୋତ୍ତମ ପ୍ରଦର୍ଶନ ସ୍ତରରେ ପହଞ୍ଚିଥିଲା ଏବଂ ଏହାର ଇବିଆଇଟିଡିଏ ୧୦,୦୦୮ କୋଟି ଟଙ୍କା ରେ ପହଞ୍ଚିବା ସହିତ ସେଥିରେ ଗତବର୍ଷ ତୁଳନାରେ ୧୮.୧ ପ୍ରତିଶତ ବୃଦ୍ଧି ଘଟିଥିଲା । ଗ୍ରାହକ ସଂଖ୍ୟା ବୃଦ୍ଧି ଏବଂ ଗ୍ରାହକ ପିଛା ମାସିକ ରାଜସ୍ବରେ ଉନ୍ନତି କାରଣରୁ ଇବିଆଇଟିଡିଏ ପରିମାଣରେ ତୀକ୍ଷ୍ଣ ୫୦୦+ ବିପିଏସ୍ ବୃଦ୍ଧି ସମ୍ଭବ ହୋଇଥିଲା । ଆଲୋଚ୍ୟ ତ୍ରୟମାସିକରେ ଜିଓର ଗ୍ରାହକ ସଂଖ୍ୟା ୪୨୧ ନିୟୁତରେ ପହଞ୍ଚିଥିଲା, ଯେଉଁଥିରେ ପୂର୍ବ ବର୍ଷ ତୁଳନାରେ ୧୦ ନିୟୁତ ବୃଦ୍ଧି ଘଟିଥିଲା । ଉନ୍ନତ ମିଶ୍ରିତ ଗ୍ରାହକ ଆଧାର ଏବଂ ୨୦୨୧ ଡିସେମ୍ବର ୧ ତାରିଖରୁ ଶୁଳ୍କରେ ୨୦% ବୃଦ୍ଧି ବଳରେ ଗ୍ରାହକ ପିଛା ମାସିକ ହାରାହାରି ରାଜସ୍ବ (ଏଆରପିୟୁ) ପୂର୍ବ ୧୬ଟି ତ୍ରୟମାସଠାରୁ ସର୍ବାଧିକ ୧୫୧.୬ ଟଙ୍କାକୁ ବୃଦ୍ଧିପାଇଛି ।
ଜିଓର ଗ୍ରାହକ ନିୟୋଜନତାରେ ନିରନ୍ତର ଉନ୍ନତି ଘଟିବା ସହିତ ପ୍ରତି ବ୍ୟବହାରକାରୀ ପିଛା ପ୍ରତି ମାସରେ ହାରାହାରି ଡାଟା ଓ ଭଏସ୍ ବ୍ୟବହାର ୧୮.୪ ଜିବି ଏବଂ ୯୦୧ ମିନିଟକୁ ବୃଦ୍ଧିପାଇଛି, ଯେଉଁଥିରେ ଯଥାକ୍ରମେ ୪୨.୬% ଏବଂ ୧୩.୨% ଅଭିବୃଦ୍ଧି ଘଟିଛି । ଜିଓ ମଧ୍ୟ ଏହାର ଜିଓଫାଇବର ଅଧୀନରେ ଓୟାରଲାଇନ ବ୍ରଡ୍ବ୍ୟାଣ୍ଡ ଗ୍ରାହକ ସଂଖ୍ୟା ୫ ନିୟୁତରେ ପହଞ୍ଚିଥିବା ଘୋଷଣା କରିଛି, ଯେଉଁଥିରେ ଦ୍ରୁତ ଅଭିବୃଦ୍ଧି ଘଟୁଛି । ଜିଓ ୫ଜିର ପରୀକ୍ଷଣରେ ଅଗ୍ରଗତି ହାସଲ କରିଚାଲିଛି ଏବଂ ଦେଶରେ ପ୍ରାୟ ୧ ହଜାର ଶୀର୍ଷ ସହର ପାଇଁ ୫ଜି ସେବା ପ୍ରଚଳନ ଯୋଜନା ସମ୍ପୂର୍ଣ୍ଣ ହୋଇଛି । କମ୍ପାନୀ ସଂପ୍ରତି ଏହାର ୫ଜି ନେଟୱର୍କରେ ସ୍ୱାସ୍ଥ୍ୟସେବା ଏବଂ ଶିଳ୍ପକ୍ଷେତ୍ରର ଅଟୋମେସନ ନିମନ୍ତେ ଉନ୍ନତ ବ୍ୟବହାରର ପରୀକ୍ଷଣ କରୁଛି ।
କୋଭିଡ ପ୍ରଭାବ ହ୍ରାସହୋଇ ପରିଚାଳନା ପରିବେଶ ସାମାନ୍ୟ ସ୍ୱାଭାବିକ ସ୍ଥିତିକୁ ଫେରିବା ପରେ ରିଲାଏନ୍ସ ରିଟେଲ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସିକରେ ଏଯାଏଁ ସର୍ବାଧିକ ରାଜସ୍ବ ଆୟ କରିଛି । ଷ୍ଟୋର ଗୁଡିକରେ ସର୍ବାଧିକ ବିକ୍ରି ସହିତ ଡିଜିଟାଲ ଏବଂ ନୂଆ ବ୍ୟବସାୟରେ ନିରନ୍ତର ଅଭିବୃଦ୍ଧି ବଳରେ ସମସ୍ତ ଆହରଣ କ୍ଷେତ୍ରରେ ସର୍ବୋତମ ରାଜସ୍ବ ଆୟ କରାଯାଇ ପାରିଛି । ଲାଏନ୍ସ ରିଟେଲର ମୋଟ ରାଜସ୍ୱ ଆୟ ୨୦୨୧ ଡିସେମ୍ବର ସୁଦ୍ଧା ଶେଷ ହୋଇଥିବା ତ୍ରୟମାସରେ ଗତବର୍ଷ ତୁଳନାରେ ୫୨.୫ ପ୍ରତିଶତ ବୃଦ୍ଧିପାଇ ୫୭,୭୧୪ କୋଟି ଟଙ୍କାକୁ ବୃଦ୍ଧି ପାଇଥିବାବେଳେ ଇବିଆଇଟିଡିଏ ଗତବର୍ଷ ତୁଳନାରେ ୨୩.୮ ପ୍ରତିଶତ ବୃଦ୍ଧି ସହ ୩,୮୨୨ କୋଟି ଟଙ୍କାକୁ ବୃଦ୍ଧିପାଇଛି ।
ରିଲାଏନ୍ସ ରିଟେଲ ତାହାର ଉପସ୍ଥିତି ସମ୍ପ୍ରସାରିତ କରିଚାଲିବା ସହିତ ୮୩୭ଟି ଷ୍ଟୋର ଯୋଗ କରିଛି ଏବଂ ଏଥିସହିତ ଏହାର ମୋଟ ଷ୍ଟୋର ସଂଖ୍ୟା ୧୪,୪୧୨ରେ ପହଞ୍ଚାଇଛି ଯାହା ୪୦ ନିୟୁତ ବର୍ଗଫୁଟ ପରିମିତ ସ୍ଥାନରେ ଅବସ୍ଥିତ । ଫିଜିକାଲ ରିଟେଲ ଭିତ୍ତିଭୂମି ସହିତ କମ୍ପାନୀ ମଧ୍ୟ ତାହାର ଡିଜିଟାଲ ଉପସ୍ଥିତିକୁ ମଜଭୁତ କରିଛି । କମ୍ପାନୀ ତାର ନୂତନ ବ୍ୟବସାୟ ପ୍ଲାଟଫର୍ମରେ ବ୍ୟବସାୟିକ ସହଯୋଗୀ କ୍ଷେତ୍ରରେ ପୂର୍ବବର୍ଷ ତୁଳନାରେ ଚାରି ଗୁଣ ଅଭିବୃଦ୍ଧି ହାସଲ କରିଛି । ସେହି ସମୟରେ ଡିଜିଟାଲ ବ୍ୟବସାୟ ପ୍ଲାଟଫର୍ମରେ ଅର୍ଡର ଟିୟର-୨ ଅଥବା କ୍ଷୁଦ୍ର ସହରାଞ୍ଚଳରୁ ଦୁଇଗୁଣ ହୋଇଛି, ଯାହା ଡିଜିଟାଲ ବ୍ୟବସାୟ ଅର୍ଡରଗୁଡିକ ମଧ୍ୟରେ ୫୦%ରୁ ଅଧିକକୁ ପ୍ରତିନିଧିତ୍ବ କରୁଛି । ଏହି ତ୍ରୟମାସିକରେ ରିଲାଏନ୍ସ ଶେଲ୍ ଗ୍ୟାସ ବ୍ୟବସାୟରେ ଏହାର ଅବଶିଷ୍ଟ ଅଂଶକୁ ବିକ୍ରି କରିବା ଦ୍ୱାରା ଏଥିରୁ ଓହରି ଯାଇଛି, ଯେଉଁଥିରୁ ଏହାର ନେଟ୍ ଲାଭରେ ୨,୮୭୨ କୋଟି ଟଙ୍କାର ଲାଭ ମିଳିପାରିଛି ।
୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୟମାସିକ ବ୍ୟବସାୟିକ ପ୍ରଦର୍ଶନ ସମ୍ପର୍କରେ ମତ ଦେଇ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ଚେୟାରମ୍ୟାନ୍ ଏବଂ ପରିଚାଳନା ନିର୍ଦ୍ଦେଶକ ମୁକେଶ ଡି.ଅମ୍ବାନି କହିଛନ୍ତି, ରିଲାଏନ୍ସ ୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୟମାସିକରେ ଆଉ ଏକ ଦମ୍ଦାର ପ୍ରଦର୍ଶନ କରିଥିବାରୁ ମୁଁ ଆନନ୍ଦର ସହିତ ଘୋଷଣା କରୁଛି । ଆମର ସମସ୍ତ ବ୍ୟବସାୟ କ୍ଷେତ୍ରରୁ ମଜଭୁତ ଅବଦାନ ସହିତ ଆମେ ରେକର୍ଡ ପରିଚାଳନାଗଗତ ଫଳାଫଳ ହାସଲ ପାରିଛୁ । ରିଟେଲ ବ୍ୟବସାୟ କାର୍ଯ୍ୟକଳାପ ସ୍ୱାଭାବିକ ସ୍ଥିତିକୁ ଫେରିଛି ଏବଂ ପାର୍ବଣ ଋତୁ ସହିତ ଦେଶବ୍ୟାପୀ ତାଲାବନ୍ଦ କଟକଣା କୋହଳ କରାଯିବା କାରଣରୁ ପ୍ରମୁଖ ଉପଭୋକ୍ତା କ୍ଷେତ୍ରରେ ଦୃଢ ଅଭିବୃଦ୍ଧି ସାଧିତ ହୋଇଛି ।
Comments are closed, but trackbacks and pingbacks are open.