ମୁମ୍ବାଇ: ବଢୁଥିବା କରୋନା ମାମଲାକୁ ଦୃଷ୍ଟିରେ ରଖି ମୁମ୍ବାଇରେ ପ୍ରତିବନ୍ଧକକୁ ଜାନୁୟାରୀ ୧୫ ପର୍ଯ୍ୟନ୍ତ ବୃଦ୍ଧି କରାଯାଇଛି। ପ୍ରଶାସନ ଦ୍ବାରା ଜାରି କରାଯାଇଥିବା ନୂତନ ନିର୍ଦ୍ଦେଶ ଅନୁଯାୟୀ, ବର୍ତ୍ତମାନ ସର୍ବସାଧାରଣ ସ୍ଥାନକୁ ଯିବା ଉପରେ ପ୍ରତିବନ୍ଧକ ବଳବତ୍ତର ରହିବ।
ପ୍ରଶାସନ କହିଛି ଯେ ମୁମ୍ବାଇରେ CrPC ର ଧାରା ୧୪୪ ଅନୁଯାୟୀ ପ୍ରତିବନ୍ଧକ ଜାନୁୟାରୀ ୧୫ ପର୍ଯ୍ୟନ୍ତ ବୃଦ୍ଧି କରାଯାଇଛି। ମୁମ୍ବାଇ ପୋଲିସ ଲୋକଙ୍କୁ ସମୁଦ୍ର କୂଳ, ଖୋଲା ପଡ଼ିଆ, ପାର୍କ କିମ୍ବା ସର୍ବସାଧାରଣ ସ୍ଥାନ ପରିଦର୍ଶନ କରିବାକୁ ବାରଣ କରିଛି।
ମୁମ୍ବାଇ ପୋଲିସ ପ୍ରଶାସନ ଦ୍ବାରା ଜାରି କରାଯାଇଥିବା ଆଦେଶରେ କୁହାଯାଇଛି ଯେ ମାନବ ଜୀବନ, ସ୍ୱାସ୍ଥ୍ୟ କିମ୍ବା ନିରାପତ୍ତା ପ୍ରତି ବିପଦକୁ ରୋକିବା ଏବଂ କୋଭିଡ-୧୯ ଭୂତାଣୁ ବିସ୍ତାରକୁ ହ୍ରାସ କରିବା ଉଦ୍ଦେଶ୍ୟରେ ଏହି ପ୍ରତିବନ୍ଧକ ଲଗାଯାଇଛି।
Comments are closed.