ପୋଲିସ ସହିଦ ସ୍ମୃତି ଦିବସ, ଶ୍ରଦ୍ଧାଞ୍ଜଳି ଜଣାଇଲା ସାରା ଦେଶ
ନୂଆଦିଲ୍ଲୀ: ଆଜି ଦେଶବ୍ୟାପୀ ପାଳନ କରାଯାଉଛି ୬୧ତମ ପୋଲିସ ସହିଦ ସ୍ମୃତି ଦିବସ । ଏହି ଅବସରରେ ସହିଦ ପୋଲିସ କର୍ମଚାରୀଙ୍କୁ ସାରା ଦେଶ ଶ୍ରଦ୍ଧାଞ୍ଜଳି ଜଣାଇଛି । ଟ୍ୱିଟ୍ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସହିଦ ପୋଲିସ କର୍ମଚାରୀଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ଦେଶମାତୃକା ପାଇଁ ସେମାନଙ୍କର ବଳିଦାନ ଓ ସେବାକୁ ମନେ ପକାଇଛନ୍ତି ।
Police Commemoration Day is about expressing gratitude to our police personnel and their families all across India. We pay tributes to all the police personnel martyred in the line of duty. Their sacrifice and service would always be remembered. pic.twitter.com/69gkT1yH24
— Narendra Modi (@narendramodi) October 21, 2020
ଦେଶର ବିଭିନ୍ନ ରାଜ୍ୟରେ ପାଳିତ ହୋଇଛି ପୋଲିସ ସହିଦ ସ୍ମୃତି ଦିବସ । ପୋଲିସ କର୍ମଚାରୀଙ୍କ ବଳିଦାନକୁ ସମସ୍ତେ ମନେ ପକାଇଛନ୍ତି । ଦିଲ୍ଲୀ ସ୍ଥିତ ନ୍ୟାସନାଲ୍ ପୋଲିସ ମେମୋରିଆଲରେ ସହିଦ ପୋଲିସ କର୍ମଚାରୀଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସେ କହିଛନ୍ତି, କରୋନାରେ ୩୪୩ ପୋଲିସ କର୍ମଚାରୀ ମୃତ୍ୟୁବରଣ କରିଛନ୍ତି । ପୋଲିସ କର୍ମଚାରୀଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି ଅମିତ ଶାହ ।
Delhi: Union Home Minister Amit Shah pays tribute at National Police Memorial on #PoliceCommemorationDay2020 today. pic.twitter.com/IQqaih1FmD
— ANI (@ANI) October 21, 2020
ଓଡିଶାରେ କଟକ ସ୍ଥିତ ପୋଲିସ ମୁଖ୍ୟାଳୟରେ ୬୧ତମ ପୋଲିସ ସହିଦ ସ୍ମୃତି ଦିବସ ପାଳିତ ହୋଇଛି । ସହିଦଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ ପୋଲିସ ଡିଜି ଅଭୟ । କରୋନା ଡ୍ୟୁଟି ବେଳେ ସହିଦ ୪୧ ଜଣ ପୋଲିସ କର୍ମଚାରୀଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା । ଏହାସହ ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କ ପକ୍ଷରୁ ଦିଆଯାଇଥିବା ବାର୍ତ୍ତି ପାଠ କରାଯାଇଥିଲା । ରାଜ୍ୟରେ ଜିଲ୍ଲାସ୍ତରରେ ବି ପାଳିତ ହୋଇଛି ପୋଲିସ ସହିଦ ସ୍ମୃତି ଦିବସ ।
DGP and Senior Officers of Odisha Police also paid tribute to its 41 Police Corona Warriors who laid down their lives in the line of duty. pic.twitter.com/j2VsbP1xKM
— Odisha Police (@odisha_police) October 21, 2020
୧୯୫୯ ମସିହା ଆଜିର ଦିନରେ ଲଦାଖରେ ଚୀନ ସେନାର ଆକ୍ରମଣରେ ସିଆରପିଏଫର ୧୦ ଯବାନ ସହିଦ ହୋଇଥିଲେ । ଭାରତ ଇତିହାସରେ ପ୍ରଥମ ଥର ସୀମାରେ ସୈନା ନୁହେଁ ପୋଲିସର ଯବାନ ସହିଦ ହୋଇଥିଲେ । ସେମାନଙ୍କ ସ୍ମୃତିରେ ପ୍ରତିବର୍ଷ ଅକ୍ଟୋବର ୨୧ ତରିଖକୁ ପୋଲିସ ସହିଦ ଦିବସ ଭାବରେ ପାଳନ କରାଯାଉଛି ।