ଭଦ୍ରକ: ଭଦ୍ରକ ଜିଲ୍ଲା ବାସୁଦେବପୁର-ଧାମରା ରାସ୍ତାର ମନ୍ଦରୀ ବଡ଼ପୋଲ ନିକଟରେ ଦୁର୍ଘଟଣା । ଜଣେ ଟ୍ରକ୍ ହେଲପରଙ୍କ ଉପରେ ଆଉ ଏକ ଟ୍ରକ୍ ମାଡ଼ିଯିବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ଡ୍ରାଇଭର ଆହତ ହୋଇଛନ୍ତି । ତାଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ଗତକାଲି ବିଳମ୍ବିତ ରାତି ପ୍ରାୟ ଦୁଇଟା ସମୟରେ ବାସୁଦେବପୁର ଧାମରା ରାସ୍ତାର ମନ୍ଦାରୀ ନିକଟରେ ଏକ ଲୁହା ବୋଝଇ ଟ୍ରକର ଟାୟାର ଖରାପ ହୋଇଯାଇଥିଲା । ଯାହାର ମରାମତି କରିବା ପାଇଁ ଉକ୍ତ ଟ୍ରକ୍ ର ହେଲପର ତଳକୁ ଓହ୍ଲାଇଥିଲେ । ଗାଡି ସଜାଡିବା ପାଇଁ ତଳେ ବସିଥିବାବେଳେ, ଏହି ସମୟରେ ଧାମରା ଅଭିମୁଖେ ଯାଉଥିବା ଆଉ ଏକ ଚିପ୍ସ ବୋଝେଇ ହାଇଓ୍ବା ଭାରସାମ୍ୟ ହରାଇ ଟ୍ରକ୍ ହେଲପରଙ୍କ ଉପରେ ଚଢିଯାଇଥିଲା ।
ଫଳରେ ଘଟଣାସ୍ଥଳରେ ହିଁ ହେଲପର ଜଣଙ୍କର ମୃତ୍ୟୁ ହୋଇଛି । ହେଲେ ବର୍ତ୍ତମାନ ସୁଦ୍ଧା ମୃତକଙ୍କର ପରିଚୟ ମିଳିପାରିନାହିଁ । ସେପଟେ ଦୁର୍ଘଟଣା ଘଟାଇଥିବା ହାଇଓ୍ବା ର ଡ୍ରାଇଭର ଏଥିରେ ଆହାତ ହୋଇଛନ୍ତି । ଖବର ପାଇ ପୋଲିସ୍ ମେଡିକାଲରେ ପହଞ୍ଚି ଦୁର୍ଘଟଣା ଘଟାଇଥିବା ଗାଡ଼ି ଡ୍ରାଇଭରଙ୍କୁ ପଚରାଉଚରା କରୁଛି ।
Comments are closed.