ରେଢ଼ାଖୋଲ : ରାସ୍ତା ପାଇଁ ରାସ୍ତା ଅବରୋଧ। ଆଜି ସକାଳ ୬ଟାରୁ ୫୫ ନମ୍ବର ଜାତୀୟ ରାଜପଥ ରେଢାଖୋଲ ଭୀମଭୋଈ ଛକ ନିକଟରେ ରାସ୍ତା ଅବରୋଧ କରାଯାଇଛି । ଫଳରେ ରାସ୍ତାର ଉଭୟ ପାର୍ଶ୍ବରେ ଶହ ଶହ ଗାଡିମଡ଼ର ଅଟକି ରହିଥିବା ଦେଖିବାକୁ ମିଳିଛି । ରେଢାଖୋଲ ନାଗରିକ କମିଟି ପକ୍ଷରୁ ଏହି ରାସ୍ତାରୋକ କରାଯାଇଥିବା ଜଣାପଡିଛି । ଜାତୀୟ ରାଜପଥ ନିର୍ମାଣ କାମ ମନ୍ଥର ଗତିରେ ଚାଲିଥିବା ସହ ରାସ୍ତା ଗୁଡିକ ମରାମତି ଦାବି କରାଯାଇଛି ।
ଅନୁଗୁଳ ଠାରୁ ସମ୍ବଲପୁର ପର୍ଯ୍ୟନ୍ତ ୪ ଲେନ୍ ରାସ୍ତା ଦାବିରେ ଏହି ଧାରଣା ଦିଆଯାଇଛି। ୨୦୧୭ରୁ ନିର୍ମାଣ କାମ ଆରମ୍ଭ ହୋଇଛି । ହେଲେ ଆଜି ପର୍ଯ୍ୟନ୍ତ ରାସ୍ତା କାମ ସରିବାର ନାଁ ଧରୁନି । ଏହାକୁ ନେଇ ରେଢାଖୋଲ ନାଗରିକ କମିଟି ପକ୍ଷରୁ ବାରମ୍ବାର ଅଭିଯୋଗ କରାଯାଇଛି । ହେଲେ କିଛି ସୁଫଳ ମିଳିନି । ଫଳରେ ବାଧ୍ୟ ହୋଇ ଆଜି ୧୨ ଘଣ୍ଟିଆ ରାସ୍ତା ଅବରୋଧ କରାଯାଇଛି । ଏବଂ ଯଦି ଖୁବ୍ ଶୀଘ୍ର ଦାବି ପୂରଣ ନହୋଇଛି , ତେବେ ତୀବ୍ର ଆନ୍ଦୋଳନର ଚେତାବନୀ ମିଳିଛି ।
Comments are closed.